Enterobacter aerogenes

Na Galipedia, a Wikipedia en galego.
Saltar ata a navegación Saltar á procura

Enterobacter aerogenes
Clasificación científica
Dominio: Bacteria
Filo: Proteobacteria
Clase: Gammaproteobacteria
Orde: Enterobacteriales
Familia: Enterobacteriaceae
Xénero: Enterobacter
Nome binomial
Enterobacter aerogenes

Enterobacter aerogenes (antes chamada Aerobacter aerogenes) é unha especie de bacterias gramnegativas con forma de bacilo da familia das enterobacteriáceas. Caracterízase por ser oxidase negativa, catalase positiva, citrato positiva, e indol negativa.[1]

E. aerogenes é unha bacteria patóxena nosocomial que causa infeccións oportunistas. A maioría son sensibles á maioría dos antibióticos que afectan a esta clase de bacterias, pero presenta mecanismos de resistencia inducibles, especialmente a lactamase, o que significa que rapidamente se pode facer resistente aos antibióticos estándar durante o tratamento, o que requirirá cambiar de antibiótico.

Algunhas das infeccións causadas por E. aerogenes orixínanse durante tratamentos específicos con antibióticos, insercións de catéteres, e procedementos cirúrxicos. E. aerogenes atópase xeralmente no tracto gastrointestinal humano e normalmente non causa enfermidade en individuos sans. Pode vivir en diversos residuos, compostos químicos hixiénicos e no solo. A bacteria tamén ten certa importancia comercial, xa que produce gas hidróxeno durante a fermentación usando melazas como substratos.

Pode estragar o zume e o xarope de pradairo.[2]

Notas[editar | editar a fonte]

  1. Enterobacter spp.: pathogens poised to flourish at the turn of the century Authors: W. EUGENE SANDERS, JR., and CHRISTINE C. SANDERS
  2. MICROBES INVOLVED IN FOOD SPOILAGE Authors: Gabriel Chavarria, Julia Neal, Parul Shah, Katrina Pierzchala, Bryant Conger

Véxase tamén[editar | editar a fonte]

Ligazóns externas[editar | editar a fonte]