Saltar ao contido

Carapucha pinta

Na Galipedia, a Wikipedia en galego.

A carapucha pinta, Neotinea maculata,[1] (Desfontaines) Stearn 1975 é unha especie de orquídea do xénero Neotinea da subfamilia Orchidoideae da familia Orchidaceae que están moi próximas ao xénero Orchis. Distribúense por Europa e Asia Menor. Son de hábitos terrestres e teñen tubérculos.

Descrición

[editar | editar a fonte]
Neotinea maculata var. alba.

As follas son oblongas cunha lonxitude de 5 cm, crecen desde os nódulos subterráneos que teñen un tamaño máximo de 6 cm e son redondos As inflorescencias que son erectas en espiga, saen da roseta basal de follas estando cuberto o talo en 1/3 por unha bráctea cor verde clara. Presenta unha densa floración con flores pequenas. O tres sépalos son iguais en tamaño estando soldados polos lados quedando os ápices soltos e forman unha especie de casco militar (de aí o nome), que cobre a columna. Os sépalos presentan unha cor branca rosada coas nerviacións a cor rosa máis pronunciada. O labelo sobresae debaixo do casco 1/3 partes, e é de cor branca presentando na zona central manchas de cor rosa. O labelo presenta no apéndice unha terminación en liña recta. Tamén presenta dous lóbulos, un a cada lado na parte inferior que están lixeiramente arqueados cara a fóra e cara abaixo. Ten dous pétalos máis, moi reducidos. Florecendo desde abril até xuño. A cor pode variar desde branco a diferentes tons de rosa.

Hábitat

[editar | editar a fonte]

Desenvólvese en prados e terreos á luz solar directa ou media sombra. Atópase en Gran Bretaña, Europa Occidental, Grecia, e Asia menor.

Usos medicinais

[editar | editar a fonte]
Neotinea maculata var. alba.



A fariña dos seus tubérculos chamada salep é moi nutritiva e demulcente. Úsase en dietas especiais de convalecentes e nenos. É moi rica en mucílago e forma unha demulcente e suave xelatina que se usa para a canle gastrointestinal irritada. Unha parte de fariña con cincuenta partes de auga son suficientes para formar a xelatina. O tubérculo para preparar a fariña debe ser colleitado cando a planta está recentemente seca despois da floración e cando soltou as sementes.

Taxonomía

[editar | editar a fonte]

Neotinea maculata foi descrita por William Thomas Stearn e publicada en Annales Musei Goulandris 2: 79. 1975.[2]

Etimoloxía

As orquídeas obteñen o seu nome do grego "orchis", que significa testículo, pola aparencia dos tubérculos subterráneos nalgunhas especies terrestres. A palabra 'orchis' usouna por primeira vez Teofrasto (371/372 - 287/286 A.C.), no seu libro "De historia plantarum" (A historia natural das plantas). Foi discípulo de Aristóteles e está considerado como o pai da botánica e da ecoloxía.

Neotinea: nomeada por Vincenzo Tineo un profesor italiano de botánica.

maculata: epíteto que significa "manchada", aludindo á presenza de manchas nas follas.[3]

Sinonimia
  • Aceras densiflorum (Brot.) Boiss.
  • Aceras intactum (Link) Rchb.f.
  • Aceras maculatum (Desf.) Gren.
  • Aceras secundiflorum (Bertol.) Lindl.
  • Aceras vayredae K.Richt.
  • Coeloglossum densiflorum Hartm. ex Willk. & Lange
  • Habenaria intacta (Link) Lindl. ex Benth.
  • Himantoglossum parviflorum Spreng.
  • Himantoglossum secundiflorum (Bertol.) Rchb.
  • Neotinea intacta (Link) Rchb.f.
  • Ophrys densiflora (Brot.) Desf.
  • Ophrys secundiflora Steud.
  • Orchis atlantica Willd.
  • Orchis ecalcarata Costa & Vayr
  • Orchis imbecilla Sol. ex Britten
  • Orchis intacta Link
  • Orchis maculata (Desf.) Batt. & Trab.
  • Orchis parviflora (Sw.) Steud.
  • Orchis sagittata Munby
  • Orchis secundiflora Bertol.
  • Orchis ustulata var. ecalcarata (Costa & Vayr) Nyman
  • Peristylus atlanticus (Willd.) Lindl.
  • Peristylus densiflorus (Brot.) Lindl.
  • Peristylus maculatus Lindl. ex Rchb.f.
  • Satyrium atlanticum (Willd.) Lindl.
  • Satyrium densiflorum Brot.
  • Satyrium maculatum Desf.
  • Satyrium parviflorum Pers.
  • Tinea cylindrica Biv.
  • Tinea intacta (Link) Boiss.
  • Tinea maculata (Desf.) Vis.

Subespecies de Neotinea

[editar | editar a fonte]
  • Neotinea maculata ( Desf.) Stearn 1975
    • Neotinea maculata var. stricta J. Landwehr 1977

Notas

[editar | editar a fonte]
  1. ↑ Guía das orquídeas de Galicia. Carlos Cortizo Amaro e Elvira Sahuquillo Balbuena. 2006, Baía Edicións
  2. ↑ "Neotinea maculata". Tropicos.org. Missouri Botanical Garden. Consultado o 10 de agosto de 2012. 
  3. ↑ Neotinea maculata en Flora de Canarias

Véxase tamén

[editar | editar a fonte]

Bibliografía

[editar | editar a fonte]
  • Leroy-Terquem, Gerald e Jean Parisot. Orchids: Care and Cultivation. Londres: Cassel Publishers Ltd., 1991.
  • Schoser, Gustav. Orchid Growing Basics. Nova York: Sterling Publishing Co., Inc., 1993.
  • White, Judy. Taylor’s Guide to Orchids. Frances Tenenbaum, Series Editor. Nova York: Houghton-Mifflin, 1996.
  • Alec Pridgeon. The Illustrated Encyclopedia of Orchids. Publicado por Timber Press.
  • Bechtel, Cribb e Launert. The Manual Of Cultivated Orchid Species. Publicado por MIT Press.

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Carapucha_pinta&oldid=6621387»