Batalla de Fornelos

Na Galipedia, a Wikipedia en galego.
Saltar ata a navegación Saltar á procura

Coordenadas: 42°20′00″N 8°27′00″O / 42.33333, -8.45000

Batalla de Fornelos
Data 29 de xaneiro de 968
Lugar preto do río Louro, Fornelos, Galicia
Resultado vitoria viquinga
Casus belli invasión viquinga
Belixerantes
Attributed Coat of Arms of the Kingdom of Galicia (Segar's Roll).svg
Reino de Galicia
Raven Banner.svg
Viquingos noruegueses
Líderes
Sisnando II de Iria Gunrod

A batalla de Fornelos foi unha batalla librada o 29 de marzo de 968,[1] probablemente preto do río Louro, entre os viquingos noruegueses de Gunrod (ou Gunderedo), que proviñan das súas bases no Loira,[2] e as tropas reunidas polo bispo de Iria Flavia, Sisnando Méndez.

A batalla[editar | editar a fonte]

Os viquingos asaltaban as costas galegas dende había décadas, pois xa realizaran campañas no 844 e no 859[3] e, de novo, na terceira vaga de invasións no 968 desembarcaron nas Rías Baixas, segundo o Cronicón Iriense,[4] con 100 drakkars para saquear Galicia na súa totalidade, liderados polo caudillo noruegués Gunrod.[5] Entraron até o fondo da ría de Arousa e desembarcaron na Bacariza e dende alí marcharon cara Iria Flavia.[6]

O bispo de Iria Flavia, Sisnando II, organizou un exército para enfrontalos preto do Louro, en Fornelos,[6] onde logrou cercalos, pero non puido facer nada fronte aos invasores unha vez iniciado o enfrontamento. O bispo morreu[7] dun frechazo[8] e os viquingos seguiron coas súas incursións até o ano 970.

Consecuencias[editar | editar a fonte]

Os viquingos pretendían establecer un reino coma o de Normandía e fóronse esparexendo por toda Galicia, permanecendo durante un ano[9] até que foron derrotados por Rosendo de Celanova e expulsados definitivamente de Galicia, contra o 970, por Sancho III cando ía en peregrinación a Santiago de Compostela.

Localización[editar | editar a fonte]

O lugar no que ocorreu a batalla non está claro. Enrique Chao Espina situouna nas proximidades do río Louro,[8] algunhas fontes sitúana no lugar de Fornelos, na parroquia de Rarís, en Teo.[4]

Notas[editar | editar a fonte]

  1. Ferreiro, Francisco. Historia compostelana, tomo IV, p. 9
  2. Forte, Oram, and Pedersen (2005), p. 60
  3. Scheen (1996), p. 69 e 71
  4. 4,0 4,1 "Patrimonio de Teo". www.concellodeteo.com (en castelán). Arquivado dende o orixinal o 10 de setembro de 2014. Consultado o 19 de xullo de 2019. 
  5. Scheen (1999), p. 72
  6. 6,0 6,1 Almazán (1986), p. 100
  7. "Sancho, envenenado en Portugal". www.saber.es (en castelán). Consultado o 19 de xullo de 2019. 
  8. 8,0 8,1 Sánchez Pardo, José Carlos (2010). "Los ataques vikingos y su influencia en laGalicia de los siglos IX-XI" (PDF). www.anuariobrigantino.betanzos.net. Consultado o 19 de xullo de 2019. 
  9. Morales (1997)

Véxase tamén[editar | editar a fonte]

Bibliografía[editar | editar a fonte]

  • Almazán, Vicente (1986). Gallaecia scandinavica: introducción ó estudio das relacións galaico-escandinavas durante a Idade Media. Colección: Ensaio e investigación. Vigo: Galaxia. ISBN 84-7154-524-1. 
  • Morales Romero, Eduardo (1997). Os vikingos en Galicia. Santiago de Compostela: Universidade de Santiago de Compostela. ISBN 9788481216615. 
  • Scheen, Rolf (1996). "Vikings raids on the Spanish Peninsula". Militaria: revista de cultura militar, (en inglés) (Madrid: Universidad Complutense de Madrid) (8): 67–88. ISSN 0214-8765. 
  • Velasco, Manuel (2005). Breve historia de los vikingos (en castelán). Ediciones Nowtilus. ISBN 84-9763-198-6. 

Ligazóns externas[editar | editar a fonte]