Sancho III de Castela

Na Galipedia, a Wikipedia en galego.
Saltar ata a navegación Saltar á procura
Sancho III de Castela
Sancho III de Castilla (Museo del Prado).jpg
Nacementoc. 1134
 Toledo
Falecemento31 de agosto de 1158
 Toledo
SoterradoCatedral de Santa María de Toledo
NacionalidadeCoroa de Castela
Relixióncatolicismo
Ocupacióngobernante e guerrilleiro
PaiAfonso VII de León
NaiBerenguela de Barcelona
CónxuxeBranca, infanta de Navarra
FillosAfonso VIII de Castela
IrmánsFernando II de Galiza e León, Alfonso of Castile, Ferdinand of Castille, Garcia of Castile, Urraca de Castela, Constança de Castela, rainha de França, Sancha de Castela, Rainha de Aragão, Stephanie Alfonso of Castile e Sancha de Castela
editar datos en Wikidata ]

Sancho III de Castela, tamén chamado o Desexado, nado en Toledo en 1134 e falecido o 31 de agosto de 1158, foi rei de Castela.

Traxectoria[editar | editar a fonte]

Era o fillo primoxénito de Afonso VII e Berenguela de Barcelona. Ó morrer o seu pai o 21 de agosto de 1157, herdou o reino de Castela, mentres que o seu irmán, Fernando II, recibiu o reino de León. A división do reino entre os dous fillos de Afonso VII non derivou en conflito entre os irmáns debido á intervención da súa medio irmá Sancha, que intermediou para os dous respectaren os límites territoriais de cada reino.

O 30 de xaneiro de 1151 casou con Branca Garcés de Navarra, filla do rei navarro García Ramírez I e de Margarita de Aguila. Deste matrimonio naceu en 1155, o futuro rei Afonso VIII, falecendo Branca no parto.

En 1158 contribuíu á creación da orde de Calatrava cando os templarios rexeitaron manter a defensa da cidade fronteiriza de Calatrava que lles fora concedida por Afonso VI en 1147. Sancho entregou entón a tenencia e o señorío de Calatrava ó abade Raimundo de Fitero e ó cabaleiro Diego Velázquez, que fundaron a citada orde militar.

Seguindo a política do seu pai, logrou que en 1157 o rei navarro Sancho IV, e en 1158 o conde de Barcelona Ramón Berenguer IV lle prestaran vasalaxe. Ese mesmo ano entrou no reino leonés do seu irmán Fernando II, pero non chegou a enfrontarse a el, xa que os dous monarcas chegaron a un acordo firmado no tratado de Sahagún o 23 de maio de 1158, polo que Sancho se comprometía a devolver as terras fronteirizas entre os reinos que conquistara, a cambio de que estas foran dadas en señoríos a nobres leoneses próximos ó rei castelán. Tamén acordaron prestarse axuda mutua fronte a terceiros, repartíronse as zonas de conquista sobre os territorios musulmáns e estableceron que se algún deles falecía sen descendencia, o reino do finado pasaría ó supervivente.

A súbita morte de Sancho deixou o tratado firmado co seu irmán sen forza algunha. Foi sucedido no trono polo seu fillo Afonso, entón menor de idade, o que orixinou unha loita polo poder en Castela entre a familia Lara e a familia Castro.

Reino de Castela

Segue a:
Afonso VII de Castela
Sancho III de Castela
Precede a:
Afonso VIII de Castela
Borgoña