BC Oostende

	Filou Oostende
Información xeral
Nome	Basketbal Club Oostende
Liga	BNXT League
Alcume	BCO
Fundación	25 de maio de 1970
Cores	Amarelo, negro
Presidente	Johan Verborgh
Adestrador	Dario Gjergja
Localización
Cidade	Oostende, Bélxica
Pavillón	COREtec Dôme
Capacidade	5 000
Inauguración	2006
Campionatos
Liga	23 (1981, 1982, 1983, 1984, 1985, 1986, 1988, 1995, 2001, 2002, 2006, 2007, 2012, 2013, 2014, 2015, 2016, 2017, 2018, 2019, 2020, 2021, 2022)
Copa	19 (1979, 1981, 1982, 1983, 1985, 1989, 1991, 1997, 1998, 2001, 2008, 2010, 2013, 2014, 2015, 2016, 2017, 2018)
Supercopa	11 (1981, 1982, 1988, 1989, 1999, 2000, 2006, 2014, 2015, 2017, 2018, 2021)
	bcoostende.be

O Basketbal Club Oostende, tamén coñecido por motivos de patrocinio como Filou Oostende, é un club profesional de baloncesto belga con sede na cidade de Oostende (Flandres Occidental). Actualmente xoga na BNXT League, a máxima categoría do baloncesto de Bélxica e os Países Baixos. O Oostende é o equipo máis laureado do baloncesto belga con 23 títulos de Liga e 19 de Copa. Fundado o 25 de maio de 1970, disputa os seus partidos como local no COREtec Dôme, pavillón con capacidade para 5 000 espectadores.

Historia[editar | editar a fonte]

O club foi fundado como Sunair Oostende o 25 de maio de 1970, sendo as cores escollidas para o equipo o azul e o amarelo. O BCO, un dos alcumes do club, comezou a xogar na Segunda División de Bélxica, mais xa na súa primeira temporada, despois de levarse o título, ascendeu á máxima categoría. A súa estadía na elite, con todo, dura pouco e descenden no primeiro ano. Porén, o equipo foi capaz de recuperarse, ascendeu unha vez máis e desde aquela nunca volveron perder a categoría. Na temporada 1974−75 o club fixo a súa primeira aparición en Europa, xogando 10 partidos na Copa Korać. Pouco despois, en 1979, conseguen o seu primeiro título, a Copa de Baloncesto de Bélxica con Ron Adams como adestrador. En 1981 gañan o seu primeiro título de liga, esta vez con Roger Dutremble como adestrador. De feito, conseguen outros cinco títulos máis de forma consecutiva até 1986. Tras un ano no que non conseguen gañar o campionato, en 1988 repiten e gañan ademais a primeira e única Copa do Benelux. En 1995 conseguen de novo o título de liga.

Antes do comezo da temporada 1999−00 o club mude por vez primeira o seu nome, converténdose no Telindus Oostende, novo patrocinador principal. Despois de que o club gañase algúns trofeos máis para pór na súa vitrina, no ano 2005 o club consegue trasladarse a un novo pavillón, o Sea'Arena (actual Sleuyter Arena), recinto con capacidade para 5.000 espectadores. Na temporada 2010−11 o equipo volve mudar o seu nome, esta vez a Telenet Oostende. N segunda compaña con este novo, o equipo muda de adestrador, despedindo a Jean-Marc Jaumin a asinando ao croata Dario Gjergja. Coa chegada do novo técnico o equipo consegue gañar de forma consecutiva os títulos de 2013, 2014, 2015, 2016, 2017 e 2018. Neste perído cómpre destacar a retirada do dorsal número 10 de Veselin Petrović, que permanecera no club desde 2005 até a súa retirada en 2014.

Nomes[editar | editar a fonte]

Ao longo dos anos, debido a motivos de patrocinio, o equipo foi coñecido como:

Sunair Oostende (1970–1999)
Orange Oostende (1999–2000)
Telindus Oostende (2000–2008)
Base Oostende (2008–2010)
Telenet Oostende (2010–2017)
Filou Oostende (2018–presente)

Ano a ano[editar | editar a fonte]

Ano	Nivel	Liga	Pos.	Copa	Competicións europeas
2000–01	1	PBL	1º	Campión	1 Suproliga	OF
2001–02	1	PBL	1º		1 Euroliga	LR
2002–03	1	PBL	3º		2 Copa ULEB	LR
2003–04	1	PBL	4º	Subcampión	3 Europe League	OF
2004–05	1	PBL	4º		2 Copa ULEB	LR
2005–06	1	PBL	1º
2006–07	1	PBL	1º		2 Copa ULEB	LR
2007–08	1	PBL	5º	Campión	2 Copa ULEB	LR
2008–09	1	PBL	7º		3 EuroChallenge	LR
2009–10	1	PBL	3º	Campión
2010–11	1	PBL	4º	Subcampión	3 EuroChallenge	3º
2011–12	1	PBL	1º		2 Eurocup	LR
2012–13	1	PBL	1º	Campión	2 Eurocup	LR
2013–14	1	PBL	1º	Campión	2 Eurocup	L32
2014–15	1	PBL	1º	Campión	2 Eurocup	L32
2015–16	1	PBL	1º	Campión	3 FIBA Europe Cup	R16
2016–17	1	PBL	1º	Campión	3 Champions League	LR
2016–17	1	PBL	1º	Campión	4 FIBA Europe Cup	SF
2017–18	1	PBL	1º	Campión	3 Champions League	LR
2017–18	1	PBL	1º	Campión	4 FIBA Europe Cup	R16
2018–19	1	PBL	1º	Subcampión	3 Champions League	LR
2018–19	1	PBL	1º	Subcampión	4 Europe Cup	CF
2019–20	1	PBL	1º	Semifinais	3 Champions League	R16
2020–21	1	PBL	1º	Campión	3 Champions League	LR
2021–22	1	BNXT	3º	Subcampión	3 Champions League	R16

Títulos[editar | editar a fonte]

Liga de Bélxica

Campión (23): 1981, 1982, 1983, 1984, 1985, 1986, 1988, 1995, 2001, 2002, 2006, 2007, 2012, 2013, 2014, 2015, 2016, 2017, 2018, 2019, 2020, 2021, 2022

Copa de Bélxica