BAE Systems

BAE Systems
Instancia de empresa de capital aberto negocio
Parte de FTSE 100 list of companies involved in the Gaza war (en)
Forma xurídica public limited company (en)
Persoas e organizacións
Director/a Ian King (en)
Director/a executivo/a Charles Woodburn (en) 1 de xullo de 2017
Presidente/a Sir Roger Carr (en) 1 de outubro de 2013
Cadro de persoal 100000 (2024) 85800 (2019) 82500 (2017)
Ten en propiendade MBDA BAE Systems Inc. (pt) BAE Systems Maritime – Naval Ships (en) Vickers BAE Systems Platforms & Services (en) Armor Holdings (en) Norkom (en)
Entidades subsidiarias BAE Systems Australia (en) BAE Systems AB (pt) BAE Systems Inc. (pt) BAE Systems Electronics, Intelligence & Support (en) Air Astana
Actividade
Industria enxeñaría aeroespacial industria militar seguridade da información industria aeroespacial
Economía
Bolsa de valores Bolsa de Londres
Ingresos totais 23078000000 £ (31 de decembro de 2023) 22240000000 $ (2019) 17790000000 £ (2016)
Beneficio neto 1940000000 £ (31 de decembro de 2023) 938000000 £ (2016)
Activos totais 32064000000 £ (31 de decembro de 2023) 22980000000 £ (2016)
Datas e cronoloxía
Fundación 30 de novembro de 1999
Precedido por British Aerospace Royal Small Arms Factory (pt) Marconi Electronic Systems (pt) Atlantic Marine (en)
Substitúe a British Aerospace
Localización
Sede Farnborough  Lugar de formación Reino Unido  Código postal CM2 8HN  Enderezo 6 Carlton Gardens, London, SW1Y 5AD, United Kingdom  País Reino Unido
Fontes e ligazóns
Páxina WEB baesystems.com
Redes
Wikidata C:Commons

BAE Systems plc é unha compañía multinacional de defensa, seguridade e aeroespacial británica. A súa sede atópase en Londres e opera en todo o mundo. É o contratista de defensa máis grande de Europa e está entre as máis grandes do mundo; foi clasificada como a terceira maior en función dos ingresos de 2017. As súas principais operacións son no Reino Unido e nos Estados Unidos, onde a súa subsidiaria BAE Systems Inc. é un dos seis principais provedores do Departamento de Defensa estadounidense. Outros grandes mercados son Australia, India e Arabia Saudita, que xuntan ao redor do 20% das vendas totais de BAE. É o fabricante máis grande do Reino Unido. A compañía formouse o 30 de novembro de 1999 pola fusión de dúas empresas británicas: Marconi Electronic Systems (MES), a subsidiaria de General Electric Company plc (GEC) dedicada á electrónica de defensa e á construción naval, e British Aerospace (BAe), un fabricante de avións, munición e sistemas navais.

BAE Systems é a sucesora de varias compañías de fabricación de aeronaves, barcos, vehículos armados, armamento e electrónica de defensa, como Marconi Company, a primeira compañía comercial dedicada ao desenvolvemento e uso da radio; A.V. Roe and Company, unha das primeiras compañía do mundo de fabricación de aeronaves; de Havilland, fabricante do Comet, o primeiro reactor comercial do mundo; British Aircraft Corporation, cofabricante do Concorde; Supermarine, fabricante do Spitfire; Yarrow Shipbuilders, construtor dos primeiros destrutores da Royal Navy; Fairfield Shipbuilding and Engineering Company, pioneira no motor de expansión triplo e construtor do primeiro acoirazado do mundo; e Vickers Shipbuilding and Engineering, contrutor dos primeiros submarinos da Royal Navy. Dende a súa formación realizou varias compras, destacando as das compañías estadounidenses United Defense e Armor Holdings, e vendeu as súas accións en Airbus, Astrium, AMS e Atlas Elektronik.

BAE Systems está involucrada en varios grandes proxectos de defensa, incluído o Lockheed Martin F-35 Lightning II, o Eurofighter Typhoon, o submarino clase Astute e os portaavións clase Queen Elizabeth. BAE Systems está listada na bolsa de Londres e é un integrante do índice FTSE 100.

Véxase tamén

Ligazóns externas

• Páxina da compañía