Arroz fritido

	Instancia de prato; alimentación humana
	Subclase de prato de arroz

Arroz fritido
	Instancia de prato; alimentación humana
	Subclase de prato de arroz
	Prato prato principal
	Gastronomía gastronomía de Asia
Características
	Material / ingrediente peixe; cooked rice (en) ; ovo; aceite vexetal; cebola; carne
	Método de fabricación stir frying
Implicados
	Usado por alimentación
Localización
	País de orixe República Popular da China
Freebase
Códigos e identificadores
Freebase
Freebase	/m/02jwtj
	Wikidata C:Commons

Para outras páxinas con títulos homónimos véxase: Arroz (homónimos).

O arroz fritido (en chinés simplificado: 炒飯 ; en chinés tradicional: 炒饭 ; en pinyin: chǎofàn ) é un prato moi popular da cociña chinesa. Orixinario dun prato caseiro procedente do Xapón, suponse que procede do ano 4000 a. C., elaborado a partir dunha receita que incluía o arroz como ingrediente principal. Nos banquetes chineses sérvese coma o penúltimo prato.

Adóitase coñecer tamén co nome de "arroz fritido tres delicias", especialmente nos restaurantes chineses de Galicia, e nos preparados conxelados do prato.

Características

Existen ducias de variedades de arroz fritido, cada un coa súa propia listaxe específica de ingredientes. En Asia as variedades máis famosas inclúen o yangchow e arroz fritido de Fukien.

Nos restaurantes do oeste da China, que fornecían a clientela estranxeira, foron inventando as súas propias variedades de arroz fritido, incluíndo o arroz fritido con ovo, o arroz fritido (picante) de Singapur (que curiosamente non está realmente dispoñíbel en Singapur) e o “arroz fritido especial” que se atopa en todas partes.

Ingredientes

Os ingredientes empregados na elaboración do arroz fritido varían enormemente. Adoitan incluír ingredientes tales como cenoiras, xermolos de soia, apio, ervellas, e outros ingredientes cárnicos como polo, porco, gambas, spam ou tofu. A miúdo inclúense cebolas e allo ben picados, este engadido dá complexidade e textura.

Preparación e adubo

Adóitase cociñar nun wok e inclúe aceite vexetal ou graxa animal para evitar que se apegañe, así como proporcionar sabor. Os cachiños de ovo engádense para dar cor en moitos pratos. A pementa ou os mollos picantes que proporcionan un lixeiro toque picante a este prato, ás veces se ofrecen nun prato pequeno separado do arroz. Moitos cociñeiros aduban o arroz fritido con pementa negra. O mollo de soia dá ao arroz fritido a súa cor morena e o sabor salgado.

Presentación

O arroz fritido sérvese coma compañamento a outro prato ou, alternativamente se pode considerar un prato en si mesmo.

É moi popular adobiarlo con chalotas fritidas, algunhas poliñas de pirixel, cenoiras relada con formas intricadas ou algún pemento en rebandas por riba do arroz.