Arquidiocese católica latina de Moscova

Arquidiocese da Nai de Deus en Moscova Archidioecesis Moscoviensis Matris Dei
Datos xerais
Erixida	13 de abril de 1991
Localización	Rusia
Sufragáneas	Irkutsk, Novosibirsk, Saratov
Estatísticas
Poboación - Fieis - Total	200.000 (0,3%) 58 820 000
Información
Ritos	Romano
Xerarquía
Papa	Francisco
Arcebispo metropolitano	Paolo Pezzi
Outros datos

A arquidiocese da Nai de Deus en Moscova (en latín: Archidioecesis Moscoviensis Matris Dei; en ruso: Архиепархия Божией Матери в Москве) é unha sé metropolitana da Igrexa Católica Latina. En 2004 tiña arredor de 200.000 bautizados sobre unha poboación total de 58 820 000 habitantes. Dende 2007, o seu arcebispo é Paolo Pezzi.

Territorio

A arquidiocese abrangue un amplo territorio, correspondente á parte setentrional e central da Rusia europea. A sé arcebispal é a cidade de Moscova, onde está a catedral da Nai de Deus. O territorio está organizado en 63 parroquias.

Historia

O 13 de abril de 1991 foi erixida a administración apostólica da Rusia europea, en territorios até entón pertencentes á diocese de Vladivostok.

O 30 de decembro de 1993 cedeu parte do seu territorio para erixir a administración apostólica do Cáucaso.

O 23 de novembro de 1999 mudou o seu nome polo de administración apostólica da Rusia europea setentrional, e cedeu parte do seu territorio para erixir a administración apostólica da Rusia europea meridional.

O 11 de febreiro de 2002 foi elevada ao rango de arquidiocese metropolitana, e mudou o seu nome polo de Nai de Deus en Moscova.

Episcopoloxio

Administradores apostólicos da Rusia europea

• Tadeusz Kondrusiewicz (13 de abril de 1991 – 23 de novembro de 1999)

Administradores apostólicos da Rusia europea setentrional

• Tadeusz Kondrusiewicz (23 de novembro de 1999 – 11 de febreiro de 2002)

Arcebispos metropolitanos da Nai de Deus en Moscova

• Tadeusz Kondrusiewicz (11 de febreiro de 2002 - 21 de setembro de 2007, nomeado arcebispo de Minsk-Mahilioŭ)
• Paolo (Pavel) Pezzi (21 de setembro de 2007 - actualidade)

Véxase tamén

Ligazóns externas

• Páxina web oficial (en ruso)
• Perfil en Catholic-Hierarchy.org (en inglés)
• Perfil en GCatholic.org (en inglés)