Antton Morcillo

Na Galipedia, a Wikipedia en galego.
Saltar ata a navegación Saltar á procura
Antton Morcillo
Nacemento23 de maio de 1965
 Hernani
NacionalidadeEspaña
Ocupaciónpolítico
editar datos en Wikidata ]

Antton Morcillo Torres, nado en Hernani en 1966, é un político vasco de ideoloxía independentista vasca. Foi parlamentario vasco (2001-04) pola coalición independentista Euskal Herritarrok. Foi dirixente da antiga Herri Batasuna e da ilegalizada Batasuna.

É licenciado en Xeografía e Historia e de profesión administrativo.

Carreira política[editar | editar a fonte]

Antton Morcillo foi un membro destacado de Herri Batasuna en Áraba, sendo unha das cabezas desta organización en devandita provincia. Dende 1985 até 1998 foi membro da Mesa Nacional de Herri Batasuna. Ó comezo foi militante de HASI, partido político alegal que estaba integrado en Herri Batasuna, pero este disolveuse en 1991. A partir de 1995 foi concelleiro e portavoz de Herri Batasuna no concello de Vitoria.

Na campaña das eleccións Xerais de 1996, Herri Batasuna difundiu un vídeo do grupo terrorista ETA nas cuñas publicitarias gratuítas que tiña durante a campaña. Por este feito, a Audiencia Nacional abriu unha causa polo delito de colaboración con banda armada contra todos os membros da Mesa Nacional de HB, entre eles o propio Antton Morcillo. O Tribunal Supremo xulgouno e condenouno por ese delito, pero tras permanecer 20 meses no cárcere, o 20 de xullo de 1999 o Tribunal Constitucional anulou a sentenza do Supremo e todos os membros da Mesa Nacional, entre eles Morcillo, foron liberados. Tras a súa saída do cárcere, no ano 2000 volveu de novo a formar parte da Mesa Nacional de Herri Batasuna.

Nas eleccións autonómicas do 13 de maio de 2001, Morcillo, cabeza de lista pola provincia de Áraba da plataforma Euskal Herritarrok, na que se integraba Herri Batasuna, saíu elixido parlamentario vasco.

Cando en 2001 HB se refundou no partido político Batasuna, Morcillo foi elixido de novo membro da Mesa Nacional da nova formación política. O seu labor na formación era a de responsable de política institucional. Como parlamentario, pasou a formar parte do Grupo Parlamentario de Batasuna e posteriormente, cando esta formación foi ilegalizada en virtude da Lei de Partidos de Sozialista Abertzaleak. Morcillo exerceu de voceiro no parlamento de Sozialista Abertzaleak. Como membro da xunta de portavoces, trataron de procesalo por non disolver o grupo parlamentario de Sozialista Abertzaleak (Caso Atutxa), aínda que a querela non prosperou.

En xaneiro de 2004, Morcillo dimitiu por razóns persoais e referentes á súa dedicación e foi substituído como parlamentario vasco por Rakel Peña.[1]

É un dos dirixentes de Batasuna que están imputados por un delito de integración en organización terrorista.

A súa irmá, Grazi Morcillo, pertence á organización terrorista ETA. Foi detida en Francia en xaneiro de 2006 tras estar desde 1996 baixo a orde de procura e captura

Adoita escribir artigos de opinión en prensa.

Notas[editar | editar a fonte]

  1. ABC. "Batasuna quiere "blindar" a Permach ante posibles acciones de la Justicia". Arquivado dende o orixinal o 03-03-2016. Consultado o 18-11-2016. 

Véxase tamén[editar | editar a fonte]

Outros artigos[editar | editar a fonte]