Antonii Khrapovitskii

Na Galipedia, a Wikipedia en galego.
Saltar ata a navegación Saltar á procura
Антоний Храповицкий
(Antonii Khrapovitskii)
Митрополит Киевский и Галицкий Антоний (Храповицкий).jpg
Primeiro xerarca da Igrexa ortodoxa rusa fóra de Rusia
Biografía
Nacemento17 de marzo de 1863 en Vatagino, distrito de Kresttsy, gobernación de Novgorod, Imperio Ruso
Pasamento10 de agosto de 1936 en Sremski Karlovci, Iugoslavia
Primeiro xerarca da Igrexa ortodoxa rusa fóra de Rusia
1924 - 1936
SucesorAnastasii Gribanovskii

Antonii Khrapovitskii (en ruso: Антоний Храповицкий), nado como Aleksei Pavlovich Khrapovitskii (en ruso: Алексей Павлович Храповицкий) en Vatagino (distrito de Kresttsy, gobernación de Novgorod, Imperio Ruso) o 17 de marzo de 1863 e finado en Sremski Karlovci (Iugoslavia) o 10 de agosto de 1936, foi un bispo ortodoxo ruso, primeiro xerarca e fundador da Igrexa ortodoxa rusa fóra de Rusia.

Traxectoria[editar | editar a fonte]

Naceu en Vatagino, preto de Velikii Novgorod en 1863.[1] Foi consagrado bispo en 1897.[1] Foi bispo de Zhytomyr-Volinia entre 1902 e 1914, e posteriormente de Kharkiv até 1918, cando foi elixido metropolita de Kiev da Igrexa ortodoxa rusa.[1] O 8 de decembro de 1918 foi arrestado por "actividades anti-ucraínas" e enviado ao mosteiro basiliano de Buchach.[1] Foi liberado pola insistencia do metropolita de Lviv Andrei Sheptytskyi e enviado a Cracovia.[1] En 1919 volveu a Kiev xunto ao exército de Denikin, e marchou novamente coa súa derrota.[1] Instalouse en Sremski Karlovci (Iugoslavia), dende onde dirixiu á Igrexa ortodoxa rusa fóra de Rusia até o seu pasamento o 10 de agosto de 1936.[1]

Notas[editar | editar a fonte]

  1. 1,0 1,1 1,2 1,3 1,4 1,5 1,6 Blazejowskyj, Dmytro (1990). Hierarchy of the Kyivan Church (861-1990). Roma: Editiones Universitatis Catholicae Ucrainorum S. Clementi Papae. p. 396. OCLC 22834909.