Antoine Busnois

Na Galipedia, a Wikipedia en galego.
Saltar ata a navegación Saltar á procura
Antoine Busnois
Busnois mass.jpg
Nacemento1430
 Béthune
Falecemento6 de novembro de 1492
 Bruxas
NacionalidadeFrancia
Ocupacióncompositor, escritor e poeta
editar datos en Wikidata ]
Manuscrito da misa O Crux Lignum, de Antoine Busnois.

Antoine Busnois, tamén coñecido como Antoine Busnoys, nado na vila francesa de Béthune arredor de 1430 e finado o 6 de novembro de 1492 en Bruxas, na rexión flamenga de Bélxica, foi un compositor e poeta de principios do Renacemento pertencente á escola borgoñoa. Aínda que tamén é salientable como compositor de música sacra (particularmente motetes), foi un dos máis nomeados compositores profanos do século XV. Foi a figura principal da escola de Borgoña tardía, logo da morte de Guillaume Dufay.[1]

Traxectoria[editar | editar a fonte]

É probable que fose discípulo de Johannes Ockeghem en Tours. Cara a 1460 estaba na corte de Borgoña. Máis tarde traballou na igrexa de San Salvador de Bruxas, como director dos cantantes, cargo que exerceu ata a súa morte en 1492.[2]

Obra[editar | editar a fonte]

Quant ce vendra, de Antoine Busnois

A súa produción máis importante é de cancións profanas: máis de sesenta que se conservan nun manuscrito proveniente da corte de Borgoña, probablemente copiado por el mesmo. A maioría ten textos en francés, son a tres voces e utilizan estruturas fixas, sobre todo a de rondó (a metade delas).

No tocante á música relixiosa, consérvanse misas, un credo, himnos, un magnificat e un motete. As misas utilizan a técnica do cantus firmus, e unha delas baséase na soada fanfarra L'homme armé.[3]

Discografía[editar | editar a fonte]

  • 2004. Busnois: Missa O crux lignum, Motets, Chansons. Orlando Consort (Harmonia Mundi)Información en medieval.org (en inglés)
  • 2008. Busnois, L'Homme armé. Cantica Symphonia, Giuseppe Maletto (Glossa)Información en medieval.org (en inglés)

Notas[editar | editar a fonte]

  1. Higgins, Paula. "Antoine Busnuys". En Grove Music Online Arquivado 11 de xaneiro de 2017 en Wayback Machine.. Ed. L. Macy.
  2. Gleason, Harold et al. Music in the Middle Ages and Renaissance. Alfred Music, 1988. Páxina 99.
  3. Taruskin, Richard. «Antoine Busnoys and the "L'Homme armé" Tradition». JAMS, 39 (2):255–293, 1986.

Véxase tamén[editar | editar a fonte]

Bibliografía[editar | editar a fonte]