Anticosti

Na Galipedia, a Wikipedia en galego.
Anticosti
Québec-Golf du St Laurent.png
Localización da illa
Map of Gulf of Saint Lawrence-No names.png
Situación
País Flag of Canada.svg Canadá
Provincias e territorios do Canadá Quebec
Mar Océano Atlántico
Coordenadas 49°30′N 63°00′O / 49.500, -63.000
Xeografía
Superficie 7.892´52 km²
Longura máxima 217 km.
Largura máxima 16-48 km.
Perímetro 520 km.
Punto máis alto 312 m.
Demografía
Capital Port-Menier
Poboación 240 hab. (2011)

A illa de Anticosti (Anticosti Island en inglés; Île d'Anticosti en francés) é unha illa rochosa e cuberta por bosques situada no golfo de San Lourenzo, en Quebec, o Canadá. Cos seus 7.941 km² de superficie, ocupa o posto 90 entre as illas máis grandes do mundo. Polo norte, a illa de Anticosti está separada do Quebec polo estreito de Jacques Cartier e, polo sur, da península de Gaspesia polo estreito de Honguedo. O seu lago máis grande é o lago Wickenden, que alimenta ao río Xúpiter.

Historia[editar | editar a fonte]

Anticosti foi descuberta en 1534 polo explorador francés Jacques Cartier e recibiu o nome de Assomption ('Asunción'). Posteriormente, foi outorgada a Louis Joliet polo rei Luís XIV como recompensa por descubrir o río Mississippi, e permaneceu na familia Joliet ata 1763, cando foi cedida por Francia á colonia de Terranova. O Canadá recuperou a illa en 1774. En 1895, Anticosti foi comprada polo adiñeirado chocolateiro francés Henri Menier, o cal tratou de convertela nunha gran reserva para a caza e a pesca. Menier introduciu varias especies, como os cervos, ademais de explotar os recursos naturais como a madeira e os minerais.

En 2001 creouse o Parque Nacional de Anticosti, con 572 km² de superficie.

Port Menier en 1922

Xeografía[editar | editar a fonte]

Imaxe de satélite da illa de Anticosti

A illa de Anticosti forma parte das terras baixas orientais do San Lorenzo. Ten 217 km. de longo e ten un largo máximo de 48 km., 1½ veces máis grande que a provincia da Illa do Príncipe Eduardo. O seu litoral é longo e rochoso e perigoso, ofrecendo pouco refuxio para barcos agás nas baías de Gamache, Ellis Bay e Fox Bay. Hai grandes baixíos ao sur.[1]

O lago máis grande da illa é o lago Wickenden, que alimenta o río de Xúpiter. Hai numerosos ríos en Anticosti, moitos dos cales flúen a través de profundas gargantas e canóns nas costas norte e sur.[2]

Topograficamente, a illa de Anticosti pódese dividir en tres rexións distintas: dúas zonas de terras baixas, que de rara vez superan os 150 m. de elevación, nos terzos oriental e occidental da illa unidos ao longo da costa; E un altiplano central que forma unha meseta que se eleva a pouco máis de 300 m. Esta meseta é unha estrutura unidireccional lixeiramente inclinada cara ao sur, e caracterízase polas súas costas. As rochas expostas na illa forman un estrato sedimentario continuo de máis de 2.000 m. de espesor. Estes son os estratos máis completos do leste de Norteamérica dos períodos ordoviciano e siluriano.[2]

O clima da illa de Anticosti é o clima subártico subboreal, temperado pola influencia marítima do golfo de San Lourenzo que reduce as diferenzas de temperatura. A temperatura media anual é de 1´9 °C. O mes de xullo é o máis cálido cunha temperatura de media de 14´79 °C. Pola contra, febreiro é o mes máis frío, -11´2 °C de media. A precipitación de neve é abundante, polo xeral acumúlase sobre 3 m. nas partes occidental e central.

Datos climáticos para Port Menier
Mes Xan Feb Mar Abr Mai Xuñ Xul Ago Set Out Nov Dec Anual
Media máxima en °C −6 −6 −1 3 9 15 19 18 14 8 2 −3 6
Media diaria en °C −10 −11 −6 0 5 11 15 14 10 4 0 −7 2,1
Media mínima en °C −15 −16 −11 −4 1 6 11 10 6 1 −3 −11 −2,1
Precipitación media mm 63 47 61 81 89 98 91 107 121 116 98 77 1 049
Fonte: Weatherbase.[3]

A pesar do seu gran tamaño (217 km de longo e entre 16 e 48 km de ancho), Anticosti está moi escasamente poboada: 240 habitantes en 2011[4], localizados no seu maior parte na aldea de Port-Menier, no extremo occidental da illa. Moitos dos habitantes cumpren tarefas relacionadas coa conservación dos numerosos faros erixidos polo goberno canadense. A costa é perigosa; os máis de 400 naufraxios contabilizados fixeron a Anticosti acredora do sobrenome de "o cemiterio do San Lourenzo". Véxase en: [1] Os dous únicos portos son Ellis Bay e Fox Bay.

Notas[editar | editar a fonte]

  1. "Anticosti, Île d'" (en French). Commission de toponymie du Québec. Consultado o 2009-11-05. 
  2. 2,0 2,1 "Géographie & Nature" (en French). Municipalité de L'Île-d'Anticosti. Consultado o 2009-11-05. 
  3. Climate Data for Port Menier, accessed 28 de marzo de 2012.
  4. "Census Profile". 6 de maio de 2015. Consultado o 12 de decembro de 2015. 

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]