Alliance Niyigena
| Biografía | |
|---|---|
| Nacemento | 1992  (31/32 anos)Ruanda |
| Datos persoais | |
| País de nacionalidade | Noruega |
| Educación | Universidade de Edimburgo |
| Actividade | |
| Ocupación | enxeñeira |
Alliance Niyigena, nada na Ruanda en 1992, é unha enxeñeira norueguesa, ten o dobre grao de enxeñaría eléctrica e enxeñaría mecánica, investigadora no campo da enerxía e a mobilidade, en novas fontes de enerxía para conseguir unha transición enerxética dos combustibles fósiles a fontes de enerxía sustentables.[1]
Traxectoria[editar | editar a fonte]
Alliance Niyigena é filla dunha profesora e dun médico que debido á guerra (Xenocidio de Ruanda) tiveron que abandonar o país. Camiñaron durante oito meses e percorreron 8000 Quilómetros desde Ruanda, a través da República Democrática do Congo, até a República Centroafricana, para escapar dun xenocidio e tratar de conseguir un futuro mellor. A familia foi recollida pola Cruz Vermella, a súa nai estaba embarazada e ela tiña un ano e medio, quen os considerou unha familia vulnerable e ofreceulles a posibilidade de solicitar asilo político en Noruega.[2]
Aos 15 anos gaña unha bolsa estatal norueguesa para estudar o Ensino secundario en Francia, finalizado este ciclo académico trasladouse á Universidade de Edimburgo para cursar os estudos de enxeñaría, onde obtivo o dobre grao de enxeñaría eléctrica e enxeñaría mecánica.
Considerase inmigrante, viviu entre dúas culturas, a norueguesa e na ruandesa; valora a diversidade de culturas e persoas coas que coincidiu que lle permitiron explorar as diferenzas culturais que lle permitiron crecer en experiencias e en sabedoría.
Carreira[editar | editar a fonte]
O percorrido profesional como investigadora levou a Alliance Niyigena a traballar e estudar en diferentes proxectos e en diferentes países, no campo relacionado con enerxía e mobilidade.
En Edimburgo, foi Presidenta da Sociedade de Enxeñaría Civil (2016/17).
Pertence desde 2018 ao Barcelona Hub, que está formado por 30 membros que constitúen un equipo multidisciplinar de científicos, emprendedores, artistas, avogados e psicólogos.[3]
Foi unha do cincuenta gañadoras dunha bolsa Saltire Scholar (2018), estas bolsas permiten un ano de estudos superiores en calquera das universidades dos países: os Estados Unidos, o Canadá, a India, a China, Paquistán e o Xapón; os académicos elixidos Saltieres están considerados como embaixadores de Escocia.[4]
En 2020 gana a bolsa Schwarzman (financiada na Universidade de Tsinghua en Beijing), sendo a primeira alumna de enxeñaría da Universidade de Edimburgo en conseguilo.
Xefa do equipo Hyperloop de Elon Musk da Universidade de Edimburgo (2019/20), coñecido como HYPED é un proxecto de transporte para persoas e mercadorías que consiste en desenvolver uns tubos de aceiro ao baleiro en cápsulas que levitan magnéticamente.[5]
Desde 2020 é investigadora no Centro de Microelectrónica de Barcelona, dependente do Consello Superior de Investigacións Científicas (CSIC), dedicado ao desenvolvemento de novas micro e nanotecnoloxías, compoñentes e sistemas, onde desenvolve unha pila para dispositivos que se carga con fluídos corporais, como sangue ou suor.[6] “Se queremos seguir vivindo como até agora, temos que atopar formas de xerar enerxía máis sustentables e eficientes. Imos necesitar cada día máis e máis enerxía, e sería enormemente útil se chegamos a xerar parte desta enerxía no corpo humano, particularmente para alimentar pequenos dispositivos eléctricos” “Sería ideal porque temos moita enerxía e estámonos movendo todo o día”.[2] En 2021 Alliance Niyigena foi distinguida cunha portada de Telos, a revista de tecnoloxía da Fundación Telefónica.
Alliance Niyigena tivo entre os seus propósitos facilitar cos seus coñecementos soluciones de enerxía sustentable, desenvolvemento de infraestruturas e educación aos países emerxentes.
Notas[editar | editar a fonte]
- ↑ "Alliance Niyigena wins Schwarzman Scholarship | School of Engineering". Consultado o 2021-05-22.
- ↑ 2,0 2,1 "Alliance Niyigena: "La sociedad digital no tiene límites"" (PDF).
- ↑ "Barcelona Hub" (en inglés). Consultado o 2021-05-22.
- ↑ "Saltire Scholarships | Scotland.org" (en inglés). Consultado o 2021-05-22.
- ↑ "HYPED Stories - Women Of HYPED: Alliance Niyigena". Consultado o 2021-05-22.
- ↑ Castillo, Carlos del. "La ingeniera que escapó del genocidio de Ruanda con 18 meses y ahora crea tecnología punta en España". ElDiario.es (en castelán). Consultado o 2021-05-22.