Alexander Gottlieb Baumgarten

Alexander Gottlieb Baumgarten

Biografía
Nacemento	17 de xullo de 1714 Berlín
Morte	27 de maio de 1762 (47 anos) Frankfurt (Oder)
Residencia	Berlín
Educación	Universidade de Halle-Wittenberg Universidade de Jena
Actividade
Campo de traballo	Filosofía
Lugar de traballo	Frankfurt (Oder)
Ocupación	filósofo, teólogo, profesor universitario, escritor, esteticista
Empregador	Universidade de Halle-Wittenberg University of Frankfurt an der Oder (en)
Obra
Obras destacables (1750) Aesthetica
Familia
Cónxuxe	Luisa Wilhelmina Alemann Justina Elisabeth Albinus
Fillos	Carl Gottlieb Baumgarten  () Justina Elisabeth Albinus Eleonora Wilhelmina Baumgarten  () Justina Elisabeth Albinus Eleonora Juliana Baumgarten  () Justina Elisabeth Albinus Gottlieb Wilhelm Baumgarten  () Justina Elisabeth Albinus
Pai	Jacob Baumgarten
Irmáns	Siegmund Jakob Baumgarten August Joseph Baumgarten Nathanael Baumgarten
Descrito pola fonte	Svensk uppslagsbok Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron

Alexander Gottlieb Baumgarten, nado en Berlín o 17 de xullo de 1714 e finado en Frankfurt an der Oder o 27 de maio de 1762, foi un filósofo alemán. O seu irmán foi o teólogo Siegmund Jakob Baumgarten (1706-1757).

Traxectoria

Baumgarten naceu en Berlín, o quinto dos sete fillos do pastor pietista da milicia local, Jacob Baumgarten, e da súa esposa, Rosina Elisabeth. Ambos os pais finaron cando aínda era moi novo. Foi educado por Martin Georg Christgau, quen lle ensinou o hebreo e o interesou pola poesía latina.

En 1733, namentres cursaba os seus estudos superiores na Universidade de Halle, asistiu ás aulas sobre a filosofía de Christian Wolff impartidas por Peter Reusch na Universidade de Jena.

Foi profesor en Halle dende 1737 e en Frankfurt an der Oder dende 1740.

Pensamento

Malia que o significado das palabras adoita mudar como resultado de diferentes desenvolvementos culturais, a reavaliación do termo "estética" realizado por Baumgarten adoita considerarse un momento esencial no desenvolvemento da estética como disciplina filosófica. Con anterioridade, esta palabra tiña só o sentido de "sensibilidade" ou "resposta dos sentidos perante os estímulos". Co desenvolvemento da arte como empresa comercial, ligado ao ascenso dos novos ricos en Europa, a compravenda de pezas artísticas conduciu inevitablemente á pregunta "cal é a arte boa?". Baumgarten creou a estética como medio de estudo do gusto artístico, que permite distinguir a arte boa da mala, ligando á primeira coa beleza.

Xa que logo, na súa obra Aesthetica (2 vol., 1750-8), foi o primeiro en establecer a estética como disciplina filosófica. Foi seguidor das teorías de Gottfried Wilhelm Leibniz e Christian Wolff.

Véxase tamén

Bibliografía

• Aichele, Alexander; Theis, Robert, eds. (2018). Handbuch Christian Wolff (en alemán). Springer. ISBN 9783658147372. 
• Caygill, Howard (1982). Aesthetics and Civil Society: Theories of Art and Society, 1640-1790 (en inglés). University of Sussex. 
• EGU (2013). "Baumgarten, Alexander Gottlieb". Enciclopedia Galega Universal. Consultado o 18 de xullo de 2025. 
• Mirbach, Dagmar (2025). "Alexander Gottlieb Baumgarten (1714-1762): Leben". Baumgarten Alexander Gottlieb (en alemán). Consultado o 18 de xullo de 2025.