Aguas de Cabreiroá
| Aguas de Cabreiroá | |
|---|---|
 | |
| Tipo | Sociedade Anónima |
| Fundación | 1906 |
| Matriz | Hijos de Rivera |
| Localización | Estrada de Cabreiroá, s/n Verín 32600  Ourense |
| Fundador | José García Barbón |
| Industria | Auga |
| Produtos | Auga envasada |
| Número de empregados | 50 (en 2008)[1] |
| Na rede | |
| http://www.cabreiroa.es | |
| [ editar datos en Wikidata ] | |
Aguas de Cabreiroá é unha empresa galega de bebidas con sede en Cabreiroá (Verín). Foi fundada por José García Barbón en 1906. A empresa é propiedade de Hijos de Rivera.
Historia
[editar | editar a fonte]
A finais do século XIX as xentes do lugar ían a un manancial para curar as doenzas do aparato dixestivo, e o párroco acondicionou a zona, e promoveu a construción dunha fonte. O empresario Xosé García Barbón encargou estudos químicos sobre as augas, e adquiriu a fonte e os terreos dos arredores, levantando unha construción de estilo modernista para acomodar ás xentes que visitaban a zona. En 1906 creouse a empresa Aguas de Cabreiroá, cunha planta de embotellamento. En 1907, encargouse unha nova análise ao doutor Santiago Ramón y Cajal, que certificou as súas propiedades mineromedicinais. Nese mesmo ano iniciáronse as obras do hotel-balneario. As instalacións incluían un parque de 5 hectáreas con 2000 árbores de 72 especies distintas.
Á morte de García-Barbón, o balneario pasou a mans do seu neto, Benigno Salgueiro García-Barbón, que á súa vez morreu en 1931, pasando entón á súa viúva, Cecilia de Espínola. Entre novembro de 1936 e marzo de 1937, logo do inicio da guerra civil española, o hotel-balneario pasou a ser hospital de campaña, acollendo militares do bando nacional que combatían na fronte de Asturias. O hospital contaba con material incautado ao médico Carlos Reino Caamaño, que fora elixido alcalde de Verín en xullo de 1936 por Izquierda Republicana[2].
A actividade de envasado de auga proseguiu no tempo. Na década de 1990, entrou no accionariado Hijos de Rivera, que en 2006 tomou o control de toda a empresa.
En 2008, déronse varios casos de intoxicación por auga adulterada en Ourense. A empresa considerou o acontecido como unha sabotaxe a súa marca[3]. O sector respondeu trocando o peche das botellas, deixando os tapóns de presión con precinto de plástico por tapóns de rosca.
Produtos
[editar | editar a fonte]._Aguas_Cabreiro%C3%A1._Almac%C3%A9n_de_empaque._Postal_circulada_en_Valladolid_el_27_de_junio_de_1912_-_Valladolid.jpg)
- Auga sen gas, auga natural envasada en vidro, PET ou PET-Sport
- Auga con gas, auga con gas engadido envasada en vidro, PET ou Aluminio
- Magma de Cabreiroá, auga con gas natural e bicarbonato envasada en botella de Aluminio.
- Rosalía de Castro, botella homenaxe ao 175 aniversario do nacemento de Rosalía de Castro.
- Ciclo da Auga, botella homenaxe ao Ciclo da Auga.
- Faros de Galicia, botella de homenaxe aos Faros de Galicia.
Imaxe de calidade
[editar | editar a fonte]A empresa mantén unha imaxe moi coidada con deseños orixinais e campañas publicitarias en tódolos medios, incluída a televisión.
Ten certificación de calidade auditado por AENOR, norma ISO 9001 e ISO 14001[4].
Notas
[editar | editar a fonte]- ↑ Aguas de Cabreiroá (PDF) (en castelán)
- ↑ "Balneario de Cabreiroá- Verín (Ourense): algunos nuevos datos de esta Enfermería-Hospital de guerra, 1936-1937", post no blog Diario de un médico de Guardia, de David Simón, 21 de novembro de 2011 (en castelán).
- ↑ "Tercer intoxicado en un mes por agua de Cabreiroá", El País, setembro de 2008 (en castelán).
- ↑ AGUAS DE CABREIROÁ (Verín, Ourense) Arquivado 02 de setembro de 2011 en Wayback Machine. (en castelán).