O aeroporto de Plovdiv(IATA: PDV,OACI: LBPD) é o aeroporto que serve á segunda cidade máis grande de Bulgaria, Plovdiv. É o cuarto aeroporto máis concorrido do país, despois dos de Sofía, Burgas e Varna. Tamén é coñecido como aeroporto de Plovdiv Krumovo, por unha pequena vila ao lado do mesmo situada a 6 quilómetros ao sueste de Plovdiv.
O aeroporto de Plovdiv serve á estacións de esquí próximas de Bansko, Pamporovo e Borovets, e polo tanto opera principalmente voos chárter durante o inverno, dende finais de decembro ata marzo. Principalmente opera voos chárter cara ao Reino Unido e Rusia. Tamén xoga un papel importante en caso de emerxencias e é usado ocasionalmente como aeroporto alternativo para o de Sofía, que se atopa a uns 150 quilómetros de distancia.
