Abulcasis

Na Galipedia, a Wikipedia en galego.
(Redirección desde «Abu al-Qasim»)
Abu al-Qasim Jalaf ibn al-Abbas Al-Zahrawi
أبو القاسم بن خلف بن العباس الزهراوي
Abulcasis
Datos persoais
Nome completoأبو القاسم خلف بن عبَّاس الزهراوي
Nacemento936
LugarMadīnat al-Zahrā, Córdoba, Al-Ándalus
Falecemento1013
LugarCórdoba, Al-Ándalus
ResidenciaAl-Ándalus
Etniaárabe
RelixiónSunnismo
Actividade
Campomedicina
Contribucións e premios
Coñecido porÉ considerado como un dos pais e o fundador da cirurxía moderna
Influído porAbu Muhammad bin Hazm,
Guy de Chauliac,
Jacques Daléchamps
editar datos en Wikidata ]

Abu al-Qasim Jalaf ibn al-Abbas Al-Zahrawi ou Abul-Qasim Khakaf ibn al Abbas al Zahravi (en árabe: أبو القاسم بن خلف بن العباس الزهراوي), máis coñecido como Abulcasis, na súa forma latinizada (en galego, Abulcasis ou Albucasís), foi un médico e científico andalusí, (Madīnat al-Zahrā, Córdoba, Al-Ándalus, 936 - Córdoba, Al-Ándalus, 1013).

Vida[editar | editar a fonte]

Sábense moi poucas cousas da súa vida máis alá dos poucos datos que explica nas súas propias obras.

Apenas que naceu na vila de Madīnat al-Zahrā, a uns dez quilómetros ao noroeste do barrio real de Córdoba,[1] dentro da tribo árabe dos Ansar.

Tamén sabemos que viviu a maior parte da súa vida en Alhaurín de la Torre, onde estudou, deu clases e practicou a medicina até pouco antes da súa morte, dous anos despois do saqueo da súa vila natal por tropas cristiás.

O seu nome aparece mencionado por primeira vez nunha obra de Abu Muhammad ibn Hazm, que o cita entre os médicos máis famosos de Al-Ándalus. A primeira biografía detallada escribiuse sesenta anos despois da súa morte, por Al-Humaydi, na súa obra Jadhwat al-Muqtabis.

Kitab al-Tasrif[editar | editar a fonte]

Ilustración dos instrumentos cirúrxicos medievais árabes, na enciclopedia médica do século XI Kitab al-Tasrif, de Abulcasis.
Artigo principal: Al-Tasrif.

Abulcasis foi un médico cordobés considerado como un dos pais e o fundador da cirurxía moderna.[2]

Nos seus textos, onde combinaba as ensinanzas clásicas greco-latinas cos coñecementos da ciencia do Oriente Próximo, foron a base dos procedementos cirúrxicos europeos até o Renacemento.

A súa maior contribución á historia da medicina e a cirurxía é Al-Tasrif (1000), unha obra enciclopédica en trinta volumes sobre a práctica médica, onde recompilou todo o coñecemento médico e farmacéutico da época.[3]

Foi, así mesmo, un gran innovador nas artes médicas, sendo o primeiro en empregar o fío de seda nas suturas.[4]

Especialista en cirurxía, na súa obra describe os procedementos que utilizaba nas súas operacións de ollos, oídos, garganta, amputacións, implantes de dentes etc.

Abulcasis tamén inventou o fórceps para a extracción de fetos mortos, con ilustracións, no Al-Tasrif.[5] Así mesmo, tamén describe o uso do fórceps nos partos.[6]

El Al-Tasrif tamén introduce o uso de ligaduras para controlar hemorraxias en arterias, en cauterización.[7]

Desenvolveu máis de 200 novos instrumentos cirúrxicos que describe no último libro da súa magna enciclopedia, a cal foi profusamente estudada en toda Europa durante máis de cinco séculos despois da súa morte.[8]

Notas[editar | editar a fonte]

  1. hispanoarabe.org El primer gran cirujano; Abulcasis Arquivado 04 de marzo de 2016 en Wayback Machine. (en castelán)
  2. Ahmad, Z. (2007): "Al-Zahrawi. The Father of Surgery" in ANZ Journal of Surgery, 77 (supl. 1)
  3. Levey M. (1973): Early Arabic Pharmacology. Leiden: E. J. Brill.
  4. Makki, A. I. (2006): "Needles & Pins", in Al Shindagah, 68, xaneiro–febreiro 2006.
  5. Hehmeyer, Ingrid & Aliya Khan (2007): "Islam's forgotten contributions to medical science", in Canadian Medical Association Journal, 176 (10).
  6. "Assisted delivery has walked a long and winding road", in OBG Management, Vol. 19, Nº 6, Xuño 2007, páx. 84.
  7. Abdel-Halim, Rabie S., Ali S. Altwaijiri, Salah R. Elfaqih & Ahmad H. Mitwall (2003): "Extraction of urinary bladder described by Abul-Qasim Khalaf Alzahrawi (Albucasis) (325-404 H, 930-1013 AD)", in Saudi Medical Journal 24 (12): 1283-1291 [1289].
  8. Al-Hadidi, Khaled (1978): "The Role of Muslem Scholars in Oto-rhino-Laryngology", in The Egyptian Journal of O.R.L. 4 (1), páx. 1-15. (Cf. Ear, Nose and Throat Medical Practice in Muslim Heritage Arquivado 01 de outubro de 2011 en Wayback Machine. (en inglés))

Véxase tamén[editar | editar a fonte]

Ligazóns externas[editar | editar a fonte]