67P/Churyumov-Gerasimenko

Na Galipedia, a Wikipedia en galego.
67P/Churyumov-Gerasimenko
Comet 67P on 19 September 2014 NavCam mosaic.jpg
Descubrimento e designacións
Descuberto por Klim Ivanovich Churyumov e
Svetlana Ivanovna Gerasimenko
Descuberto o 20-09-1969
Designacións alternativas 1982 VIII; 1982f;
1989 VI; 1988i;
1969 R1; 1969 IV;
1969h; 1975 P1;
1976 VII; 1975i
Características orbitais[1]
Época= 13-06-2010 (2 455 360,5 xd)
Afelio 5,6839 UA (Q)
Perihelio 1,2458 UA (q)
Eixo semi-maior 3,4648 UA
Excentricidade 0,64043
Período orbital 6,45 ax
Inclinación 7,0424°
Características físicas
DimensiónsVolume 4 km de diámetro
Masa 3,14 x 1012 ± 0,2112 [2] kg
Densidade 102 ± 9[2] kg/m³

O Cometa Churyumov-Gerasimenko, oficialmente designado coma 67P/Churyumov–Gerasimenko, é un cometa cun período orbital, na actualidade, de 6,45 anos.[1] Está moi preto de acada-lo seu próximo perihelio, o 13 de agosto do 2015.[3] O cometa é o destino final da misión Rosetta da Axencia Espacial Europea, que foi lanzada o 2 de marzo do 2004,[4][5] a cal volveu espertar do seu modo de hibernación o 20 de xaneiro do 2014,[6] a procura de investiga-lo cometa.

Descubrimento[editar | editar a fonte]

O cometa foi descuberto por Klim Ivanovych Churyumov, quen examinou unha fotografía que fora tomada por Svitlana Herasymenko o 11 de setembro de 1969 dende o Instituto Astrofísico de Alma-Ata, para amosa-lo cometa periódico 32P/Comas Solá. Churyumov atopou un cometa preto do bordo da tarxeta, pero asumiu que este era o Comas Solá.

Despois de volver ó seu instituto en Kiev, Churyumov examinou tódalas placas fotográficas máis de preto. Aproximadamente un mes despois de que a fotografía fose tirada (22 de outubro), descubriu que o obxecto non podía se-lo Comas Solá, porque estaba case 1,8 graos fóra da posición esperada. Unha análise máis profunda xerou unha imaxe débil de Comas Solá na súa posición esperada na placa fotográfica, probando así que o outro obxecto era un cometa distinto.

Observacións[editar | editar a fonte]

Ilustración en 3D do núcleo de Churyumov-Gerasimenko feito en base a observacións obtidas polo telescopio Hubble observacións. Usáronse harmónicos esféricos de baixa orde para fixar na medida do posible a forma do núcleo, alisando asi calquera posible característica pequena.

Coma preparación para a misión Rosetta, o Telescopio Espacial Hubble tomou fotos o día 12 de marzo de 2003, que foron analizadas en profundidade. Xerouse un modelo xeral en 3D e foron creadas imaxes xeradas por computadora. As aproximacións do satélite Rosetta permitiron tirar fotografías máis detalladas e comprobar que o núcleo do cometa tiña forma de "pato de goma"[7].

Perturbacións orbitais[editar | editar a fonte]

Os cometas son regularmente empurrados dunha órbita a outra cando se atopan nas proximidades de Xúpiter ou Saturno. Antes do ano 1959, o Churyumov-Gerasimenko tiña un perihelio de aproximadamente 2,7 UA. En febreiro de 1959 un achegamento á Xúpiter[8] provocou que o seu perihelio fose movido cara a dentro, a preto de 1,3 UA, onde fica hoxe en día.[9]

Notas[editar | editar a fonte]

  1. 1,0 1,1 JPL/NASA, ed. (12-07-2007). "JPL Small-Body Database Browser: 28978 Ixion (2001 KX76)". Consultado o 04-10-2008. 
  2. 2,0 2,1 Maquet; Colas; Jorda; Crovisier;. Lunar and Planetary Institute, ed. "67P/Churyumov-Gerasimenko mass determination based on a new method for modeling non-gravitiational forces and accelerations." (PDF). lpi.usra.edu. Consultado o 11-12-2013. 
  3. Seiichi Yoshida (30-12-2010). aerith.net, ed. "67P/Churyumov-Gerasimenko". Consultado o 09-02-2012. 
  4. Krolikowska, Malgorzata (2003). "67P/Churyumov–Gerasimenko – potential target for the Rosetta mission". Acta Astronomica 53: 195–209. Bibcode:2003AcA....53..195K. arXiv:astro-ph/0309130. 
  5. Agle, DC; Cook, Jia-Rui; Brown, Dwayne; Bauer, Markus; (17-01-2014). "NASA Release = 2014-015 - Rosetta: To Chase a Comet". NASA. Consultado o 18-01-2014. 
  6. "La nave ‘Rosetta’ se despierta" (en español). 20 January 2014. Consultado o 22-01-2014. 
  7. "Rosetta se dirige a un "pato de goma" espacial". ABC. 17/07/2014. Consultado o 25 de setembro de 2014. 
  8. "JPL Close-Approach Data: 67P/Churyumov-Gerasimenko". 29-06-2010 últimas observacións. Consultado o 09-02-2012. 
  9. Kazuo Kinoshita (07-05-2009). Comet Orbit, ed. "67P past, present and future orbital elements". Consultado o 25-04-2009. 

Véxase tamén[editar | editar a fonte]

Ligazóns externas[editar | editar a fonte]