Wikipedia:Aprendendo WikiData Febreiro 2018
O sábado 24 de febreiro de 2018 houbo unha xuntanza/obradoiro en Santiago de Compostela para aprender o que é Wikidata e como utilizalo.
Cando e onde[editar a fonte]
A xuntanza fíxose no Centro Sociocultural As Fontiñas de Santiago de Compostela, a carón de Área Central, o sábado 24 de febreiro de 10 a 14 h. As coordenadas do sitio son: 42°53'02.4"N 8°31'52.5"W. Podes velo en Google Maps aquí ou en OpenStreetMap aquí.
Información para participantes[editar a fonte]
Temos unha aula con ordenadores e con conexión a Internet para facer as prácticas e fedellar todo o que faga falta en Wikidata, así que, se queres, non é preciso que traias o teu equipo.
Que imos facer?[editar a fonte]
Dado que na comunidade de galipedistas non hai ninguén especializado en Wikidata, o obradoiro foi un pouco intuitivo e autodidacta. Desde o máis básico, como modificar un ítem xa existente, á creación de novos ítems, o uso de identificadores para o control de autoridades, ou as posibilidades de https://query.wikidata.org/.
Tamén poderemos adiantar un pouco na tradución das propiedades e categorías relacionais, así como no uso que se lle dá ás infotáboas. (persoa, entidade xeográfica, organización, acontecemento).
Que fixemos?[editar a fonte]
Xuntámonos nove persoas, algunhas con máis coñecementos sobre WikiData e outras con menos. Primeiro estivemos falando sobre as utilidades de Wikidata, e despois atrevémonos a crear un novo elemento. Aproveitamos que catro días antes tivera lugar o Segundo wikimaratón do Día Internacional da Muller e a Nena na Ciencia, e fixemos o elemento de Rebeca Atienza (d:Q50066171). Despois fixéronse outros máis de artigos creados no Wikimaratón.
Doutra banda, aprendemos a crear cualificativos dentro dunha declaración. Concretamente dentro de d:Q3393322 (Miguel Anxo Fernández Lores) e da declaración d:P39 (cargo ocupado), editouse a declaración d:Q26690645 (alcalde de Pontevedra), incluíndo d:P50 (data de inicio), d:P1365 (a quen substitúe) e d:P102 (partido político).
Ao tempo, traducíronse ao galego as descricións de varios elementos e intentouse modificar o Modelo:Biografía para que nos artigos de mulleres incluíse a forma feminina na sección 'ocupación'.
Houbo moi bo ambiente de traballo, a pesar de certos problemas coa Wi-Fi, mais solventámolos compartindo unhas rosquillas traídas de Sigüeiro (fabricadas en Ponteareas, iso si).
Galicomida[editar a fonte]
E xa que remataremos sobre as dúas, estamos falando de facer unha comida para seguir de cháchara nalgún bareto, vai pensando o que vas pedir!
Apúntate![editar a fonte]
Se che apetece participar nesta xornada, podes apuntarte abaixo editando esta sección (preme na ligazón que pon "editar a fonte" ó lado do texto "Apúntate!") e indicando o teu nome de usuario.
- --Elisardojm (conversa) 7 de febreiro de 2018 ás 23:22 (UTC)
- --Xabier Cid Talk 2 me, please 8 de febreiro de 2018 ás 08:19 (UTC)
- --Estevo(aei)pa o que queiras... 8 de febreiro de 2018 ás 08:40 (UTC)
- --Raivenra
- --Maria zaos (conversa) 8 de febreiro de 2018 ás 11:03 (UTC)
- --Brais Oliveira (conversa)
- --Viascos (conversa) 8 de febreiro de 2018 ás 15:14 (UTC)
- --Servando2 (Dime) 9 de febreiro de 2018 ás 08:04 (UTC) Estou interesado, pero a ver se dou feito para ir.
- --Lissall (conversa) 24 de febreiro de 2018 ás 17:18 (UTC) Estiven pero aínda non tiña conta
--
- Apetecer, apetece, pero por esta non poderá ser. Deixo o meu apunte como candidato para a seguinte.--Agremon(contacto) 8 de febreiro de 2018 ás 09:25 (UTC) // 'Última hora': ó mellor aínda se me logra. Agremon(contacto) 8 de febreiro de 2018 ás 19:58 (UTC)