Universidade Rovira i Virgili

Na Galipedia, a Wikipedia en galego.
Universitat Rovira i Virgili
Universitat Rovira i Virgili.jpg
Reitorado da URV
Localización: Cataluña Tarragona
Reitor: Francesc Xavier Grau i Vidal
Estudantes:
Enderezo: C/ de l'Escorxador, s/n
Páxina web: www.urv.cat
Edificio do Rectorado

A Universidade Rovira i Virgili (en catalán e oficialmente: Universitat Rovira i Virgili), coñecida co acrónimo URV, é unha institución pública de ensino superior de Cataluña con centros en Tarragona, Reus, Vila-seca, Tortosa e El Vendrell, que ten como obxectivos prioritarios a docencia e a investigación.

Foi recoñecida como Campus de Excelencia Internacional Cataluña Sur (CEICS) polo Ministerio de Educación. Isto supón a consolidación da agregación estratéxica das diversas entidades e estruturas de docencia, investigación, transferencia de coñecemento e o sector produtivo do sur de Cataluña co obxectivo de converterse nun referente internacional nos ámbitos da Química e a Enerxía, a Nutrición e a Saúde, o Turismo, a Enoloxía, así como o Patrimonio e a Cultura.

Campus e centros[editar | editar a fonte]

A Universidade Rovira i Virgili ten seis campus que aloxan as sete facultades, as tres escolas técnicas superiores e as dúas escolas universitarias, máis unha sede no Baix Penedès.

  • Campus Cataluña: Centro da cidade de Tarragona.
    • Facultade de Letras
    • Facultade de Ciencias Xurídicas
    • Escola Universitaria de Enfermería
  • Campus Sescelades: Zona norte da cidade de Tarragona.
    • Facultade de Ciencias da Educación e Psicoloxía
    • Facultade de Química
    • Facultade de Enoloxía
    • Escola Técnica Superior de Enxeñería (ETSE)
    • Escola Técnica Superior de Enxeñería Química (ETSEQ)
  • Campus Vapor Nou: Centro da cidade de Reus.
    • Facultade de Medicina e Ciencias da Saúde
  • Campus Bellisens: Zona este da cidade de Reus.
    • Facultade de Ciencias Económicas e Empresariais
    • Escola Técnica Superior de Arquitectura de Reus(ETSAR) prepara e expide o título de Arquitecto, así como doutoramentos e masters de posgrao. Creouse en 1991 e é a única escola de arquitectura da provincia de Tarragona. O centro está situado no Campus Bellisens de Reus.
  • Campus Vila-seca: Vila-seca
    • Escola Universitaria de Turismo e Lecer - Vila-seca
  • Campus Terres doe l'Ebre: Tortosa
    • Impártense estudos de Grao de Enfermería, de Administración e Dirección de Empresas, de Educación Infantil e de Educación Primaria.
  • Sede do Baix Penedès
    • Impártense estudos de Grao de Enfermería e de Educación Infantil.

Centros adscritos[editar | editar a fonte]

  • Escola Universitaria de Relacións laborais Sancta Maria Maris - El Vendrell
  • Escola Universitaria de Turismo Bettatur - Tarragona
  • Centro de Estudos Superiores de Aviación (CESDA) - Reus

Véxase tamén[editar | editar a fonte]

Ligazóns externas[editar | editar a fonte]