Ubaldo Gil Santóstegui
  | |
| Nome orixinal | (es) Waldo Gil Santóstegui |
|---|---|
| Biografía | |
| Nacemento | 9 de xuño de 1879 Vigo, España |
| Morte | 28 de agosto de 1936 (57 anos) Vigo, España |
| Datos persoais | |
| País de nacionalidade | España |
| Actividade | |
| Ocupación | médico , político , sindicalista |
| Partido político | Partido Socialista Obrero Español |
| Membro de | |
| Lingua | Lingua castelá |
Ubaldo Gil Santóstegui, nado en Vigo o 9 de xuño de 1879 e finado na mesma cidade o 27 de agosto de 1936, foi un médico e político galego
Traxectoria[editar | editar a fonte]
Exerceu a súa profesión médica en Vigo, destacando por ter sido, xunto co doutor Nicolás Paz Pardo, o primeiro en establecer un gabinete de raios X na cidade en 1913. Membro do Partido Socialista Obrero Español (PSOE) e da Unión General de Trabajadores (UGT), foi elixido deputado provincial en 1921, presentándose despois como candidato socialista a deputado ao Congreso nas eleccións de 1923 sen obter escano. Nas eleccións municipais de 1931 foi elixido concelleiro de Vigo, onde chegou a ser tenente de alcalde.
Coa sublevación do 18 de xullo de 1936, foi detido, xulgado en consello de guerra sumarísimo e condenado a morte, sendo executado no Cemiterio de Pereiró xunto aos deputados Ignacio Seoane, Enrique Heraclio Botana e Antonio Bilbatúa Zubeldía, os seus compañeiros de corporación, o concelleiro Ramón González Brunet e o alcalde, Emilio Martínez Garrido, o alcalde de Lavadores, José Antela, o mestre e pedagogo, Apolinar Torres e Manuel Rey Gómez[1].
Notas[editar | editar a fonte]
- ↑ "Lo más selecto" de Vigo en 1936, El País, 28 de agosto de 2008, consultado o 27 de agosto de 2012.
Véxase tamén[editar | editar a fonte]
Ligazóns externas[editar | editar a fonte]
- Entrada, no Diccionario biográfico del socialismo español. (en castelán)
- Ubaldo Gil Santóstegui na páxina web Nomes e Voces.
