Toni Gabarre

Na Galipedia, a Wikipedia en galego.
Toni Gabarre
Información persoal
Nome Antonio Gabarre Ballarín
Nacemento 26 de maio de 1990
Lugar de nacemento Huesca
Altura 1,86 m.
Posición Dianteiro centro
Información de club
Club actual Teruel
Número 18
Carreira sénior
Anos Equipos Aprs (Gls)
2013–2014 Almudévar 40 (31)
2014–2015 Deportivo Aragón 16 (2)
2015 Alcoyano 9 (0)
2015–2017 Ebro 69 (18)
2017–2018 Llagostera 38 (6)
2018–2019 Tudelano 36 (15)
2019–2020 Atlético Baleares 30 (15)
2020–2021 Numancia 23 (3)
2021–2022 Sabadell 12 (0)
2022 Alcoyano 18 (2)
2022–2023 Calahorra 21 (1)
2023 San Fernando 16 (2)
2023– Teruel 8 (0)
Na rede
Twitter: gabarre9 Editar o valor em Wikidata
Partidos e goles só en liga doméstica.
Club: actualizado a 21 de outubro de 2023.
[ editar datos en Wikidata ]

Antonio Gabarre Ballarín, coñecido como Toni Gabarre, nado en Huesca o 26 de maio de 1990, é un futbolista español que xoga como dianteiro no Teruel, da Primeira División RFEF.

Traxectoria[editar | editar a fonte]

Destacou no AD Almudévar, equipo que era filial do Huesca, e co conxunto de Almudévar foi o máximo goleador da Terceira División na tempada 2013/14, anotando 31 goles en 40 partidos.[1][2] Os seus rexistros valéronlle a súa fichaxe en 2014 polo Deportivo Aragón, filial do Real Zaragoza,[2] equipo co que xogou na Segunda División B, marcando 2 goles en 16 partidos. No mercado invernal puxo rumbo ao Alcoyano, onde militou na segunda metade da tempada 2014/15.[3]

Tralo seu breve paso polo club de Alcoi, chegou libre en 2015 ao CD Ebro.[4] No conxunto aragonés xogou 71 partidos durante dúas tempadas e acumulou 18 goles, contribuíndo a que o equipo lograse a permanencia na Segunda B.

Na campaña 2017/18 xogou na UE Llagostera,[5] onde foi titular indiscutible, disputando 38 partidos e conseguindo 6 goles, aínda que foi insuficiente para salvar o equipo do descenso. A continuación fichou polo Tudelano, club que conseguiu a permanencia en boa parte grazas aos seus 15 goles.[6] Repetiu cifra goleadora na tempada seguinte, desta vez vestindo a camiseta do Atlético Baleares,[7][8] e proclamouse campión do Grupo I de Segunda B, pero sen poder conseguir o ascenso. Foi o segundo máximo anotador do seu grupo, só por detrás de Rufo, do Internacional de Madrid.

En setembro de 2020 asinou polo Numancia, co que disputou a súa sétima tempada consecutiva na Segunda División B.[9] Xogou 25 partidos, nos que marcou 3 goles. Tras ese ano en Soria, o 1 de agosto de 2021 asinou polo Sabadell para competir na nova Primeira División RFEF.[10] En xaneiro de 2022, despois de só dúas titularidades, rescindiu o seu contrato co conxunto arlequinado e días despois confirmouse a súa volta ao Alcoyano.[11][12] Na súa segunda etapa no club, volveu aos onces iniciais e marcou dous goles. Na tempada 2022/23 xogou no Calahorra e no San Fernando,[13][14] antes de fichar no verán de 2023 polo Teruel.[15]

Notas[editar | editar a fonte]

  1. ↑ Díaz, Rafa (15 de outubro de 2013). "Toni Gabarre, el señor del gol". Diario del Alto Aragón (en castelán). p. 24. Consultado o 21 de outubro de 2023. [Ligazón morta]
  2. ↑ 2,0 2,1 "El Real Zaragoza B ficha a Gabarre y a Rami, del Almudévar" (en castelán). Consultado o 21 de outubro de 2023. 
  3. ↑ "EL CD ALCOYANO FICHA A CUATRO NUEVOS JUGADORES PARA CONSEGUIR EL OBJETIVO" (en castelán). 30 de xaneiro de 2015. Consultado o 21 de outubro de 2023. 
  4. ↑ "El oscense Toni Gabarre regresa a Aragón para jugar en el Ebro" (en castelán). Consultado o 21 de outubro de 2023. 
  5. ↑ "Toni Gabarre cambia el CD Ebro por la Llagostera". Marca (en castelán). 27 de xullo de 2017. Consultado o 21 de outubro de 2023. 
  6. ↑ "El año 2019 del CD Tudelano: un año de idas y venidas" (en castelán). 28 de decembro de 2019. Consultado o 21 de outubro de 2023. 
  7. ↑ "Gabarre, un nuevo goleador para el Atlético Baleares" (en castelán). Consultado o 21 de outubro de 2023. 
  8. ↑ "Toni Gabarre, con etiqueta de gol" (en castelán). 15 de outubro de 2019. Consultado o 21 de outubro de 2023. 
  9. ↑ "Toni Gabarre ya es numantino" (en castelán). 17 de setembro de 2020. Consultado o 21 de outubro de 2023. 
  10. ↑ "Toni Gabarre, nou davanter arlequinat" (en catalán). 21 de outubro de 2023. Consultado o 21 de outubro de 2023. 
  11. ↑ "Acuerdo entre el CE Sabadell y Toni Gabarre para la desvinculación del jugador" (en castelán). 11 de xaneiro de 2022. Consultado o 21 de outubro de 2023. 
  12. ↑ Linares, Vicente (15 de xaneiro de 2022). "El Alcoyano ficha a Toni Gabarre, un viejo conocido de la afición" (en castelán). Consultado o 21 de outubro de 2023. 
  13. ↑ "Toni Gabarre, un delantero centro para el CD Calahorra" (en castelán). 11 de agosto de 2022. Consultado o 21 de outubro de 2023. 
  14. ↑ "Toni Gabarre, un tiburón para el ataque azulino" (en castelán). Consultado o 21 de outubro de 2023. 
  15. ↑ "Toni Gabarre apuntala la delantera del Club Deportivo Teruel" (en castelán). 25 de xullo de 2023. Consultado o 21 de outubro de 2023. 
Traído desde «https://gl.wikipedia.org/w/index.php?title=Toni_Gabarre&oldid=6555274»