Teresa Díaz
Biografía | |
---|---|
Nacemento | 9 de outubro de 1961 (62 anos) Cervantes, España |
Datos persoais | |
País de nacionalidade | España |
Actividade | |
Ocupación | fotógrafa , docente |
María Teresa Díaz Martínez, nada o 9 de outubro de 1961 en Cervantes, é unha fotógrafa e docente galega.
Traxectoria[editar | editar a fonte]
Marchou a vivir a Londres en 1989, onde cursou estudos de fotografía na Pimlico Arts & Media School, onde realizou a súa primeira exposición colectiva co proxecto InfelizCidade.[1] En 1993 realizou outra exposición no Tearooms des Artistes xunto a outro fotógrafo londiniense.
En 1996, xa de volta en Galicia, realizou varias exposicións individuais no Café Cultural Auriense de Ourense e no Café Modus Vivendi en Santiago de Compostela,[1] ademais dunha colectiva no Café Paraíso Perdido tamén en Santiago.
Traballou facendo a foto fixa de varios proxectos audiovisuais de Ignacio Vilar, como na curtametraxe Disonancias (1999), no documental A aldea: O antigo e o novo (2000), na rodaxe de Ilegal (2001) e na serie documental A vangarda histórica galega (2002) da produtora Vía Láctea Filmes.
No 2008 participou na mostra fotográfica Ourense en Pé de Foto, xunto a outros fotógrafos galegos.[2]
Notas[editar | editar a fonte]
- ↑ 1,0 1,1 Iglesias, Ana (13 de setembro de 1996). "Teresa Díaz retrata en once fotos la deshumanización de las grandes ciudades". El Correo Gallego: 31.
- ↑ Ourense en pé de foto. Concellería de Cultura, Festas e Festival de Cine do Concello de Ourense. 2004. ISBN 84-933890-0-5.