Taylor Lautner

Taylor Lautner
Lautner na estrea The Twilight Saga: Breaking Dawn – Part 2 en novembro de 2012.
Nacemento	Taylor Daniel Lautner 11 de febreiro de 1992 Grand Rapids, Michigan, Estados Unidos
Profesión	Actor, actor de dobraxe e modelo (2001–presente)
Ficha na IMDb

Taylor Daniel Lautner, nado o 11 de febreiro de 1992 en Grand Rapids, Míchigan, estado de Míchigan, é un actor estadounidense e experto en artes marciais que participou en filmes como The Adventures of Sharkboy and Lavagirl in 3-D, Cheaper by the Dozen 2 (con Steve Martin) ou Twilight.

Biografía

Comezos e artes marciais

Taylor naceu en Grand Rapids (Míchigan), fillo de Dan e Deborah Lautner. Ten raíces francesas, alemás e neerlandesas, e tamén parte de indio americano pola rama materna (máis especificamente, das tribos Potawatomi e Ottawa). Lautner comezou a estudar Karate desde aos 3 ou 4 anos, adestrando en Fabiano´s Karate School, en Holland, Michigan. No ano seguinte comezou a gañar campionatos, sendo convidado a se adestrar co sete veces campión do mundo de karate, Michael Chaturantabut. Ós oito anos, foi seleccionado para representar o seu país na World Karate Association, onde gañou tres medallas de ouro na modalidade Junior World and Weapons.

Taylor comezou a súa carreira de actor despois de que o seu adestrador de artes marciais o persuadira para que acudira a un cásting nos Ánxeles. Aínda que ao cabo non o elixiron, gozou tanto da experiencia que decidiu continuar coa carreira da actuación. Deseguido, xunto coa familia trasladouse desde Míchigan ata California a fin de poder acudir a máis cástings. Aos 10 anos, a súa familia instalouse definitivamente nos Ánxeles para apoialo na súa carreira de actor a tempo completo. Tamén seguiu desenvolvendo a súa afección pola artes marciais e no 2003, con só 11 anos, situouse como número un no mundo do NASKA's Black Belt Open Forms, Musical Weapons, Traditional Weapons y Traditional Forms, e a idade de 12 anos, gañou o Campionato do Mundo Junior de Artes Marciais.

Faceta de actor

No 2005, á idade de trece anos, encarnou no papel de Sharkboy na película de Robert Rodríguez The Adventures of Sharkboy and Lavagirl in 3-D. Tamén interpretou o papel de Elliot Murtaugh, o fillo do rival dos Baker, na película Cheaper by the Dozen 2, xunto con Steve Martin e Hilary Duff.

No 2008 foi elixido para o papel de Jacob Black, un licántropo con sangue nativo-americano, personaxe da saga literaria Twilight, de Stephenie Meyer. Taylor continuou encarnando a Jacob Black para as seguinte secuelas dos libros de Meyer, logrando así un papel máis protagonista. Lautner fixo tamén o papel de Jack Spivey, o fillo do protagonista da serie televisiva My Own Worst Enemy, xunto a Christian Slater. Porén, a serie foi cancelada no seu noveno episodio por non ter suficiente audiencia.

Filmografía

Cine

Ano	Título	Papel	Notas
2001	Shadow Fury	Kismet de neno
2005	The Adventures of Sharkboy and Lavagirl in 3-D	Sharkboy
2005	Cheaper by the Dozen 2	Elliot Murtaugh
2008	Twilight	Jacob Black
2009	The Twilight Saga: New Moon	Jacob Black
2010	Valentine's Day	Willy Harrinton
2010	The Twilight Saga: Eclipse	Jacob Black
2011	Abduction	Nathan
2011	The Twilight Saga: Breaking Dawn – Part 1	Jacob Black
2012	The Twilight Saga: Breaking Dawn – Part 2	Jacob Black
2013	Grown Ups 2	Andy

Televisión

Ano	Título	Papel	Notas
2003	The Bernie Mac Show	Aaron	2 episodios
2004	My Wife and Kids	Tyrone	1 episodio
2004	Summerland	Rapaz na praia
2005	Danny Phantom	Youngblood (voz)	3 episodios
2005	Duck Dodgers	Reggie Wasserstein/Terrible Obnoxious Boy (voice)	2 episodes
2005	What's New, Scooby-Doo?	Dennis/Ned (voz)	2 episodios
2006	Love, Inc.	Oliver
2006	He's a Bully, Charlie Brown	Joe Agate (voz)	Especial de TV
2008	My Own Worst Enemy	Jack Spivey

Véxase tamén

Ligazóns externas

• Ficha na IMDb (en inglés)