Hilary Duff

Na Galipedia, a Wikipedia en galego.
Duff, en 2009.

Hilary Erhard Duff, nada en Houston (Texas) o 28 de setembro de 1987, é unha actriz, cantante, modelo e deseñadora de moda estadounidense.

Traxectoria[editar | editar a fonte]

Comezou no mundo do espectáculo facendo teatro e actuando en distintas series e películas de éxito mediano. No ano 2001 adquiriu fama e popularidade ao protagonizar a serie de televisión Lizzie McGuire de Disney Channel. Participou en distintas películas coma a saga Cheaper by the Dozen, A Cinderella Story e The Lizzie McGuire Movie.

No ano 2002 debutou como cantante e ampliou o seu repertorio dentro da música pop con álbums multi-platino como: Metamorphosis (2003), Most Wanted (2005) e Dignity (2007), e ata o día de hoxe vendeu 22 millóns de álbums a nivel mundial.[Cómpre referencia]

O emporio de Hilary Duff comprende non soamente películas e álbums de éxito mundial, senón tamén unha liña de roupa, Stuff By Hilary Duff, a súa propia liña, Femme for DKNY. Tamén lanzou a súa propia fragrancia en 2007, With Love... Hilary Duff cunha nova versión en 2008, Wrapped With Love, baixo o selo Elizabeth Arden.

En 2010 debutou como autora literaria e publicou o seu primeiro libro: Elixir.

Véxase tamén[editar | editar a fonte]

Commons
Commons ten máis contidos multimedia sobre: Hilary Duff

Ligazóns externas[editar | editar a fonte]