Ramón Outerelo
| Biografía | |
|---|---|
| Nacemento | 1861  Provincia de Pontevedra, España |
| Morte | 2 de decembro de 1921 (59/60 anos) Río Chico, Arxentina (pt)  |
| Causa da morte | Execución extraxudicial |
| Datos persoais | |
| País de nacionalidade | España |
| Actividade | |
| Ocupación | sindicalista |
Lista
| |
Ramón Outerelo, nado na provincia de Pontevedra en 1861 e finado en Río Chico, Santa Cruz, o 2 de decembro de 1921, foi un anarcosindicalista galego, que tivo relevancia durante a chamada Patagonia rebelde, as folgas rurais que se produciron na Patagonia entre 1920 e 1922 e na que centos de traballadores foron asasinados. Tras participar na organización das folgas xunto ao Gallego Antonio Soto, foi executado polas tropas do tenente coronel Varela.
Traxectoria[editar | editar a fonte]
Nacido en 1861 nunha aldea da provincia Pontevedra, emigrou á Arxentina en 1905, a bordo do buque Atlantique. Instalouse en Puerto Santa Cruz, na provincia de Santa Cruz, onde traballou nun hotel.[1]
De ideas anarquistas, foi líder sindical e representante da Sociedad Obrera de Río Gallegos.[1] Tivo un papel destacado nas folgas obreiras que se produciron na rexión dende 1920, colaborando estreitamente co tamén galego Antonio Soto e facendo de enlace co mesmo Soto no sur, con Albino Argüelles no centro e co célebre José Font, alcumado Facón Grande, no norte.[1] En novembro de 1921 marchou á fronte dunha columna de 400 folguistas, cos que ocupou a localidade de Paso Ibáñez (chamada hoxe en día Comandante Luis Piedrabuena). Os traballadores pedían a liberdade dos compañeiros presos e deportados e o cumprimento das condicións laborais asinadas coa patronal uns meses antes.[1]
Outerelo pediu parlamentar con Héctor Benigno Varela, o tenente coronel que estaba á fronte das tropas do exército enviadas polo goberno arxentino para acabar coas protestas. Varela ofreceu só unha posibilidade, a rendición incondicional. As tropas comezaron entón a asasinar aos traballadores e Outerelo fuxiu cara a Cañadón León (hoxe Gobernador Gregores) en busca dos grupos de Puerto San Julián, concentrándose na facenda Bella Vista, en Río Chico. Alí foi alcanzado polas tropas do tenente coronel Varela e executado o 2 de decembro de 1921.[2][3][4]
Legado[editar | editar a fonte]
En 2008 inaugurouse un monumento en lembranza de Ramón Outerelo na localidade de Puerto Santa Cruz, obra da escultora Ruth Viegener.[5][6] Foi interpretado polo actor Osvaldo Terranova no filme de 1974, La Patagonia rebelde.
Notas[editar | editar a fonte]
- ↑ 1,0 1,1 1,2 1,3 Pérez Leira, Lois (2009). Antonio Soto. Desde Ferrol al fin del mundo (PDF) (en castelán). Grupo de Comunicación Galicia en el Mundo, S.L. ISBN 978-84-936759-3-6.
- ↑ Bayer, Osvaldo (1 de novembro de 2011). "SI, A LA NOBLE IGUALDAD" (en castelán). Arquivado dende o orixinal o 24 de setembro de 2021. Consultado o 24 de setembro de 2021.
- ↑ "Las huelgas patagónicas de 1921- 1922 La fealdad de los pobres" (PDF) (en castelán). Ministerio de Justicia y Derechos Humanos de la Nación. Consultado o 24 de setembro de 2021.
- ↑ Bayer, Osvaldo (25 de outubro de 2008). "Los héroes y la carroña" (en español). Pagina 12. Consultado o 24 de setembro de 2021.
- ↑ "Comenzó la recorrida por las huelgas en Santa Cruz" (en castelán). 10 de outubro de 2008. Consultado o 24 de setembro de 2021.
- ↑ "PUERTO SANTA CRUZ: Acto homenaje a Obreros Gauchos" (en castelán). 8 de outubro de 2008. Consultado o 24 de setembro de 2021.
Véxase tamén[editar | editar a fonte]
Bibliografía.[editar | editar a fonte]
- Bayer, Osvaldo (1972-1974). Los vengadores de la Patagonia trágica (en castelán). Booklet.