Rally da Coruña de 2020
| Rally da Coruña de 2020 | |
|---|---|
| Categoría |  Galicia |
| Localización | Aranga Cerceda Culleredo Arteixo |
| Organizador | Escudería One Seven |
| Ámbito | Rexional |
| Superficie | Asfalto |
| Tramos | 9 |
| Distancia tramos | 89,28 km |
| Gañadores | |
| Piloto campión | Víctor Senra |
| Equipo campión | Yacar Racing |
| Participantes | |
| Pilotos | 113 |
| Anterior | Rally da Coruña de 2019 |
| Seguinte | Rally da Coruña de 2021 |
| Sitio web | http://www.rallyeacoruna.com/ |
O Rally da Coruña de 2020 foi a 24ª edición de dito rally e a primeira proba da tempada 2020 do Campionato de Galicia de Rally. Celebrouse entre o 28 e o 29 de febreiro e o vencedor foi Víctor Senra.
Inscritos[editar | editar a fonte]
Inscribíronse 113 pilotos, coa ausencia máis destacada do vencedor do ano anterior, Iván Ares, que non recibiu a tempo o seu novo Hyundai i20 R5.[1] Con todo, si estiveron presentes os primeiros clasificados da tempada anterior do Campionato de Galicia de Rally: Víctor Senra, estreando un Škoda Fabia R5, Alberto Meira co seu Citroën DS3 R5 e Iago Caamaño, estreando tamén coche no campionato, un Ford Fiesta R5 MKII.[1] Ademais destacaban as presenzas do campión galego Luis Vilariño, do tricampión de Asturias Óscar Palacio, de Manuel Fernández ou de Tino Iglesias.[2]
Itinerario[editar | editar a fonte]
O parque pechado situouse o venres 28 na praza de María Pita, na Coruña, mentres que os treitos cronometrados foron tres, con tres pasadas a cada un deles, e disputados nos concellos de Aranga, Cerceda, Culleredo e Arteixo,[3] sumando un total de 89,28 km cronometrados.[4]
O primeiro deles, o de Aranga, foi un treito de 11,26 km, con saída no lugar de Vilourís e chegada en Maques, pasando por Ponte Aranga, sobre o río Mandeo, o punto máis recoñecible e icónico do rally.[5][6] O segundo, Cerceda, discorreu entre Morzós e Esperón, bordeando parcialmente o lago das Encrobas, e sumando 10,4 km. Por último, o derradeiro treito partiu de Cabana, no concello de Culleredo e percorreu 8,1 km até o lugar de Freán, no concello de Arteixo.[4]
| TC | Nome | Distancia | Hora | Gañador | Tempo | Líder |
|---|---|---|---|---|---|---|
| TC1 | Aranga | 11,26 km | 8:28 | Víctor Senra
|
7:37.208 | Víctor Senra
|
| TC2 | Cerceda | 10,40 km | 10:02 | Víctor Senra
|
6:40.719 | |
| TC3 | Culleredo-Arteixo | 8,10 km | 10:55 | Víctor Senra
|
4:44.154 | |
| TC4 | Aranga | 11,26 km | 13:08 | Iago Caamaño
|
7:43.996 | |
| TC5 | Cerceda | 10,40 km | 15:12 | Iago Caamaño
|
6:44.302 | |
| TC6 | Culleredo-Arteixo | 8,10 km | 16:02 |  Óscar Palacio
|
4:51.328 | Iago Caamaño
|
| TC7 | Aranga | 11,26 km | 18:12 | Víctor Senra
|
7:49.825 | |
| TC8 | Cerceda | 10,40 km | 19:34 | Víctor Senra
|
7:05.251 | |
| TC9 | Culleredo-Arteixo | 8,10 km | 20:20 | Víctor Senra
|
4:55.129 | Víctor Senra
|
Resumo[editar | editar a fonte]
O rally caracterizouse por unha intermitente choiva, coa que cobrou grande importancia a elección de pneumáticos dos equipos.[7] Víctor Senra comezou liderando con claridade na sesión matinal ao marcar o mellor tempo na primeira pasada aos tres treitos, con 13 segundos de vantaxe sobre Iago Caamaño e 30 sobre Alberto Otero.[8][9] Con todo, Iago Caamaño comezou a remontar nos seguintes dous treitos, nos que marcou o mellor tempo e colocouse a catro segundos de Senra. A remontada culminouse no sexto treito, no que o máis rápido foi o asturiano Óscar Palacio e no que os problemas coa panca de cambios de Senra lle fixeron perder máis de 23 segundos con Caamaño, que se colocou líder destacado, con máis de 19 segundos de vantaxe sobre o de Dumbría.[10] Cando todo parecía sentenciado Senra solucionou os seus problemas mecánicos e volveu facer os mellores tempos, recortándolle tres segundos a Caamaño no sétimo treito[11] e catro no oitavo,[12] colocándose a 12 segundos a falta do último tramo.[13] Finalmente conseguiu recortar a diferenza e nun final moi axustado gañar o rally por 159 milésimas sobre Iago Caamaño.[7]
Detrás deles quedou Alberto Meira, que mantivo unha loita pola terceira praza durante todo o rally con Alberto Otero (4º) e Óscar Palacio (5º).[13] Houbo algunhas saídas de pista como as de Jacobo Segade e o seu copiloto Adrián Muñiz, que bateron contra un poste eléctrico na primeira pasada por Aranga, ou a de Ricardo Costa e Rui Vilaça, tamén en Aranga, durante a segunda pasada, que obrigou á organización a neutralizar o treito, mentres que ambos pilotos foron conducidos ao hospital para ser examinados.[7]
Clasificación[editar | editar a fonte]
Notas[editar | editar a fonte]
- ↑ 1,0 1,1 "El rali de A Coruña da el pistoletazo de salida al Gallego". La Voz de Galicia (en castelán). 28 de febreiro de 2020. Consultado o 28 de febreiro de 2020.
- ↑ "Lista de inscritos" (PDF). TemposFGA. Arquivado dende o orixinal (PDF) o 28 de febreiro de 2020. Consultado o 28 de febreiro de 2020.
- ↑ "El rali de A Coruña ya tiene plan: así serán los tramos". La Voz de Galicia (en castelán). 31 de xaneiro de 2020. Consultado o 28 de febreiro de 2020.
- ↑ 4,0 4,1 "24 Rally de A Coruña 2020". GZRally. Consultado o 28 de febreiro de 2020.
- ↑ "El tramo preferido de los pilotos del rali de A Coruña: «Esa bajada es brutal»". La Voz de Galicia (en castelán). 26 de febreiro de 2020. Consultado o 29 de febreiro de 2020.
- ↑ "El rali de A Coruña ya tiene plan: así serán los tramos". La Voz de Galicia (en castelán). 31 de xaneiro de 2020. Consultado o 29 de febreiro de 2020.
- ↑ 7,0 7,1 7,2 Gómez Cundíns, Pablo (29 de febreiro de 2020). "Víctor Senra se lleva el rali de A Coruña por una décima de segundo". La Voz de Galicia (en castelán). Consultado o 29 de febreiro de 2020.
- ↑ "Víctor Senra lidera el Rally de A Coruña tras la primera sección" (en castelán). 29 de febreiro de 2020. Consultado o 29 de febreiro de 2020.
- ↑ "Tempos tras a primeira pasada" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ "Tempos tras a segunda pasada" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ "Tempos treito 7" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ "Tempos treito 8" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ 13,0 13,1 "¡Por solo una décima! Víctor Senra gana el Rali de A Coruña por un suspiro después de 90 kilómetros cronometrados". La Voz de Galicia (en castelán). 29 de febreiro de 2020. Consultado o 29 de febreiro de 2020.
Véxase tamén[editar | editar a fonte]
Ligazóns externas[editar | editar a fonte]
- Regulamento particular do Rally da Coruña
- Clasificación final do rally Arquivado 01 de marzo de 2020 en Wayback Machine.
- Rally da Coruña 2020 en ewrc.com (en inglés).
| Predecesor: - |
Campionato de Galicia de Rally Tempada 2020 |
Sucesor: Rally San Froilán |