Rally San Froilán de 2019
| Rally San Froilán de 2019 | |
|---|---|
| Categoría |  Galicia |
| Localización | Outeiro de Rei Friol Meira Pol |
| Organizador | Escudería Miño |
| Ámbito | Rexional |
| Superficie | Asfalto |
| Tramos | 8 |
| Distancia tramos | 91,73 km |
| Gañadores | |
| Piloto campión | Alberto Meira |
| Equipo campión | Recalvi Team |
| Participantes | |
| Pilotos | 129 |
| Anterior | Rally San Froilán de 2018 |
| Seguinte | Rally San Froilán de 2020 |
O Rally San Froilán de 2019 foi a 41ª edición de dito rally e a sétima proba da tempada 2019 do Campionato de Galicia de Rally. Celebrouse o 26 de outubro de 2019 e o vencedor foi Alberto Meira.
Itinerario[editar | editar a fonte]
Constou de oito treitos que sumaban un total de 91,73 km cronometrados e que discorreron polos concellos lucenses de Outeiro de Rei, Friol, Meira e Pol.[1][2]
Inscritos[editar | editar a fonte]
Inscribíronse 129 equipos, aínda que coa ausencia de Víctor Senra, que tras proclamarse matematicamente vencedor do campionato no rally anterior decidiu non correr os rallys restantes. Así pois os favoritos para a vitoria eran Alberto Meira e Iago Caamaño, principais rivais de Senra durante a tempada, e Adrián Díaz, vencedor da proba en 2017. Destacaban tamén na lista de inscritos outros pilotos como Luis Vilariño, Tino Iglesias ou o campión do mundo de tríatlon Iván Raña.[3]
Resumo[editar | editar a fonte]
Comezou liderando o rally Alberto Meira ao marcar o mellor tempo en tres dos catro treitos da mañá, en Outeiro de Rei e Friol, con Iago Caamaño gañando o terceiro treito e quedando de segundo nos demais. A diferenza entre os dous era de case cinco segundos e medio ao remate da sesión matinal.[4] Xa no primeiro treito da tarde, en Meira, a vantaxe de Alberto Meira aumentou a 13 segundos, e no seguinte tramo, a máis dun minuto, despois de que Caamaño sufrise problemas mecánicos, que finalmente o fixeron abandonar a proba.[5] Coa nova situación Meira baixou o ritmo para asegurar a vitoria e Adrián Díaz marcou o mellor tempo nos dous treitos finais, subindo finalmente ao podio en segunda posición, por diante de Alberto Otero.[6]
Coa vitoria neste rally Alberto Meira asegurouse a segunda praza do campionato galego.[7]
Clasificación[editar | editar a fonte]
Notas[editar | editar a fonte]
- ↑ "41º Rally San Froilán 2019". GZRally (en castelán). Consultado o 28 de febreiro de 2020.
- ↑ "Tramos, horarios y lista de inscritos Rallye San Froilán 2019". Pé á chapa racing (en castelán). Consultado o 28 de febreiro de 2020.
- ↑ "Lista de inscritos San Froilán 2019" (PDF). GZRally. Consultado o 28 de febreiro de 2020.
- ↑ "Clasificación matinal San Froilán" (PDF). TemposFGA. Arquivado dende o orixinal (PDF) o 28 de febreiro de 2020. Consultado o 28 de febreiro de 2020.
- ↑ "Alberto Meira domina en el Rallye San Froilán". El Progreso (en castelán). 26 de outubro de 2019. Consultado o 28 de febreiro de 2020.
- ↑ "Alberto Meira, vencedor del Rali de San Froilán" (en castelán). 26 de outubro de 2019. Consultado o 28 de febreiro de 2020.
- ↑ "Alberto Meira se impone en el San Froilán y zanja a su favor el subcampeonato" (en castelán). 29 de outubro de 2019. Consultado o 28 de febreiro de 2020.
Véxase tamén[editar | editar a fonte]
Ligazóns externas[editar | editar a fonte]
- Clasificación completa do rally Arquivado 26 de febreiro de 2020 en Wayback Machine.
- Rally San Froilán 2019 en ewrc.com (en inglés).
| Predecesor: Rally Ourense-Lugo-Ribeira Sacra |
Campionato de Galicia de Rally Tempada 2019 |
Sucesor: Rally Mariña Lucense |