Rafael Varela Pazo
| Biografía | |
|---|---|
| Nacemento | 21 de xullo de 1910  A Estrada, España |
| Morte | 28 de febreiro de 1961 (50 anos) A Estrada, España |
| Datos persoais | |
| País de nacionalidade | España |
| Actividade | |
| Ocupación | mestre , xornalista |
| Lingua | Lingua galega e lingua castelá |
Rafael Varela Pazo, nado na Estrada o 21 de xullo de 1910 e finado no mesmo concello o 28 de febreiro de 1961, foi un mestre e xornalista galego.
Traxectoria[editar | editar a fonte]
Fillo de José Varela Puente e Francisca Pazo Tornadijo. Militou nas Irmandades da Fala e publicou poemas e textos de opinión na prensa. Dirixiu La Vanguardia, foi asiduo colaborador de El Emigrado e tamén escribiu en La Estrada, Las Riberas del Eo e Céltiga. Foi vicesecretario do Comité pro Monumento a Pardo de Cela constituído na Estrada en decembro de 1932.[1] Estaba anunciado como presentador do mitin galeguista da Estrada o 12 de xaneiro de 1936 no que interviron Ramón de Valenzuela, Víctor Casas e Castelao.[2] Con Ramiro Alfonso Castro Dono representaron A Estrada no enterro de Antón Vilar Ponte en marzo de 1936. Foi nomeado mestre interino de Castro de Amarante. Logo tivo que incorporarse a filas no exército franquista e combateu na guerra. Ao rematar a guerra volveu ser mestre en Castro de Amarante e despois en Matalobos. Finou nun accidente de motocicleta o 28 de febreiro de 1961.[3]
Vida persoal[editar | editar a fonte]
Casou coa tamén mestra Encarnación Cives Tarrela e foron pais de Magdalena e Ramiro Varela Cives.