Qapik

Moedas con valor faciel en qapik (segunda época, a partir de 2006)

O qapik (en azarí: qəpik, pronunciado [ɡæˈpik]) é a unidade monetaria divisionaria de Acerbaixán, equivalente á centésima parte (​¹⁄₁₀₀) do manat acerbaixano.

Etimoloxía

O termo qəpik procede da palabra rusa kopek (копе́к), co significado de "lanza", que foi unha moeda rusa desde a época de Iván o Terrible, no século XVI, e que hoxe é unha moeda divisionaria equivalente á centésima parte do rublo ruso, do hryvnia ucraíno, do rublo belaruso e do rublo de Transnistria.

Historia

Primeiro qapik (1992-2006)

Moedas con valor faciel en qapik (primeira época: 1992- 2006)

O primeiro manat acerbaixano (1919-1923) carecía moeda divisionaria e desta moeda só se emitiu papel moeda. Porén, a introdución do segundo manat acerbaixano o 15 de agosto de 1992, logo da restauración da independencia do país en 1991, trouxo consigo a implantación do qapik como moeda divisionaria.

Correspondentes a esta segunda época do manat emitíronse moedas divisionarias con valores de 5, 10, 20 e 50 qapik, datadas en 1992 e en 1993. Aínda que se utilizou o níquel e o latón para algunha destas cuñaxes en 1992 (e, nalgúns casos, en 1993), as derradeiras emisións foron en aluminio. Estas moedas tiveron moi pouca circulación e ao pouco tempo foron retiradas por mor da inflación.

Imaxe	Valor	Metal	Diámetro	Grosor	Peso	Ano
	5 qəpik	Bronce	17	1,35	2,40	1992
	5 qəpik	Aluminio	17,1	1,5	0,85	1993
	10 qəpik	Aluminio	18,6	1,6	1,01	1992
	20 qəpik	Bronce	20	1,45	3,23	1992
	20 qəpik	Aluminio	20,1	1,5	1,15	1992 1993
	50 qəpik	Níquel	23	1,5	5,2	1992
	50 qəpik	Aluminio	23	1,6	1,45	1992 1993

Segundo qapik (desde 2006)

O 1 de xaneiro de 2006 implantouse unha nova xeración do manat, cunha taxa de cambio con respecto ao anterior manat dun dos novos por 5.000 dos antigos. As moedas en circulación son as de 1, 3, 5, 10, 20 e 50 qapik. A maioría delas lembran, tanto no deseño como no seu tamaño, as moedas do euro, en particular a moeda bimetálica de 50 qapik (similar á de 2 euros) e a de 10 qəpik (cun deseño coñecido como "flor española", similar á de 20 céntimos de euro). As moedas puxéronse en circulación en xaneiro de 2006 e non amosan o ano de cuñaxe nin de emisión.

Imaxe		Valor nominal	Parámetros técnicos			Descrición
Anverso	Reverso		Diámetro	Peso	Aliaxe	Canto	Anverso	Reverso
65x65px[Ligazón morta]	65x65px[Ligazón morta]	1 qəpik	16,25 mm	2,8 g	Aceiro con baño de cobre.	Liso.	Mapa de Acerbaixán, nome do país e valor.	Instrumentos musicais tradicionais e valor.
73x73px[Ligazón morta]	73x73px[Ligazón morta]	3 qəpik	18 mm	3,45 g		Liso con fenda.		Libros e pluma, e valor.
79x79px[Ligazón morta]	79x79px[Ligazón morta]	5 qəpik	19,75 mm	4,85 g		Estriado.		Torre da Doncela (Bakú) e valor.
89x89px[Ligazón morta]	89x89px[Ligazón morta]	10 qəpik	22,25 mm	5,1 g	Aceiro bañado de latón.	Liso con sete amosegas ("flor española").		Casco antigo de Nagorno-Karabakh e valor.
97x97px[Ligazón morta]	97x97px[Ligazón morta]	20 qəpik	24,25 mm	6,6 g		Estriado a segmentos.		Escaleira, símbolos xeométricos e valor.
103x103px[Ligazón morta]	104x104px[Ligazón morta]	50 qəpik	25,5 mm	7,7 g	Centro: aceiro bañado en latón. Aro: aceiro inoxidable.	Estriado con lenda: AZƏRBAYCAN RESPUBLIKASI		Pozos petrolíferos e valor.

Véxase tamén

Outros artigos

• Manat acerbaixano

Ligazóns externas

• Catálogo das moedas e os billetes de Acerbaixán