Pedro Castro Eiroa
Pedro Castro | |||
---|---|---|---|
Información persoal | |||
Nome | Pedro Castro Eiroa | ||
Nacemento | 25 de novembro de 1947 e 15 de novembro de 1947 | ||
Lugar de nacemento | Mera | ||
Posición | Defensa | ||
Carreira sénior | |||
Anos | Equipos | Aprs | (Gls) |
1967–1968 | Sporting Coruñés | ||
1968–1982 | Deportivo Galicia | ||
Selección nacional | |||
1975–1981 | Venezuela | 9 | (0) |
Partidos e goles só en liga doméstica. [ editar datos en Wikidata ] | |||
Pedro Castro Eiroa, nado en Mera o 25 de novembro de 1947, é un exfutbolista galego, que desenvolveu a súa carreira en Venezuela. Defendeu durante máis dunha década a camiseta do Deportivo Galicia e foi capitán da selección venezolana.
Traxectoria[editar | editar a fonte]
Xogou no Hércules de San Pedro de Nós, antes de emigrar coa súa familia a Venezuela.[1] En Caracas xogou no Sporting Coruñés, adestrado por Antonio Villar Chao, conquistando o Torneo Ibérico e en 1968 levouno para o Deportivo Galicia Lázaro Candal, secretario técnico do club.[2]
En 1971 foi chamado polo adestrador galego Eduardo Toba para facer unha proba co Real Oviedo.[3] Ademais adestrou co Deportivo da Coruña ás ordes de Arsenio pero acabou regresando a Caracas. Xogou no Galicia ata 1982, conquistando tres veces a Primeira División de Venezuela e outras tres a Copa de Venezuela.
Tras a súa retirada traballou coas categorías inferiores da selección venezolana.
Selección de Venezuela[editar | editar a fonte]
Debutou coa selección venezolana o 31 de xullo de 1975, nun partido da Copa América fronte ao Brasil en Caracas. Ao comezo da segunda parte sufriu unha grave lesión que o mantivo afastado dos terreos de xogo durante dous anos. Con todo, volveu á selección anos despois e converteuse no seu capitán. Xogou o seu último partido coa Viño Tinto o 28 de xuño de 1981 fronte a España.[4]
Palmarés[editar | editar a fonte]
Sporting Coruñés[editar | editar a fonte]
- Torneo Ibérico (1): 1967/68.
Deportivo Galicia[editar | editar a fonte]
- Primeira División de Venezuela (3): 1969, 1970 e 1974.
- Copa Venezuela (3): 1969 , 1979 e 1981.
Notas[editar | editar a fonte]
- ↑ "La Voz del aficionado". La Voz de Galicia (en castelán). 26 de agosto de 1971. p. 15.
- ↑ "Pedro “El Gallego” Castro un defensa central de lujo, testimonios de compañeros que compartieron en la cancha con él" (en castelán). 11 de outubro de 2020. Consultado o 24 de marzo de 2021.
- ↑ "Pedro Castro, sometido a prueba por el Oviedo". La Voz de Galicia (en castelán). 25 de agosto de 1971. p. 16.
- ↑ "Venezuela - España 1981". sefutbol.com (en castelán). Arquivado dende o orixinal o 27 de setembro de 2020. Consultado o 24 de marzo de 2021.