Pandálidos

Na Galipedia, a Wikipedia en galego.
Pandálidos
Pandalidae
Padalus borealis
Padalus borealis
Clasificación científica
Reino: Animalia
Filo: Arthropoda
Subfilo: Crustacea
Clase: Malacostraca
Orde: Decapoda
Suborde: Pleocyemata
Infraorde: Caridea
Superfamilia: Pandaloidea
Familia: Pandalidae
Haworth, 1825 [1] [2]
Especies
Véxase o texto

A dos pandálidos (Pandalidae) é unha familia de crustáceos decápodos carideos que comprende numerosas especies de camaróns comestíbeis e de alto valor económico.

Caracterízanse por teren o carpo do segundo pereiópodo subdividido e, sobre todo, pola falta de pinzas no primeio pereiópodo.[3]

É unha familia propia das augas frías, e os seus representaneds en zonas tropicais viven en augas profundas.[3]

As súas diferentes especies, como as doutros camaróns, son relativamente abundantes nas augas salgadas e doces de todo o mundo, o cal os converte nun importante recurso pesqueiro e alimenticio. Practicamente, cada país ten receitas e formas particulares para preparar e consumir estes crustáceos.

A máis importante especie comercial de camarón é Pandalus borealis,[4] seguida de Crangon crangon, camarón da familia dos crangónidos.[5]

As capturas de P. borealis salvaxe son na actualidade unhas dez veces maiores que as de C. crangon. En 1950 a posición era ao revés, xa que as capturas de C. crangon foron unhas dez veces superiores ás de P. borealis.[6]

En 2010 a produción global en acuicultura de todas as especies de camaróns e lagostinos (3,5 millóns de toneladas) superou lixeramente ás capturas mundiais de especies salvaxes (3,2 millóns de toneladas).[6]

Taxonomía[editar | editar a fonte]

A familia foi descrita en 1815 polo carcinólogo británico Adrian Hardy Haworth en: Haworth, A. H. (1825): "A new binary arrangement of the macrurous Crustacea" The Philosophical Magazine and Journal 65: 183-184.[1]

Xéneros[editar | editar a fonte]

Non hai unanimidade na comunidade científica sobre os xéneros que comprende a familia.

Segundo De Grave et al. (2009) serían:[7]

Pero o SIIT só recoñece (outubro de 2013) os seguintes:[2]

  • Atlantopandalus
  • Bitias
  • Chlorotocus
  • Dichelopandalus
  • Heterocarpoides
  • Heterocarpus
  • Pandalina
  • Pandalopsis
  • Pandalus
  • Pantomus
  • Parapandalus
  • Plesionika
  • Stylopandalus

Notas[editar | editar a fonte]

  1. 1,0 1,1 Pandalus Haworth, 1825 no WoRMS.
  2. 2,0 2,1 Pandalidae Haworth, 1825 no SIIT.
  3. 3,0 3,1 Raymond T. Bauer (2004): Remarkable Shrimps: Adaptations and Natural History of the Carideans. Animal Natural History Series, nº 7. University of Oklahoma Press. ISBN 0-8061-3555-7.
  4. Pandalus borealis (Krøyer, 1838) FAO, Species Fact Sheet.
  5. Crangon crangon (Linnaeus, 1758) FAO, Species Fact Sheet.
  6. 6,0 6,1 Baseada en datos tirados de FishStat database, FAO.
  7. De Grave et al. (2009): "A classification of living and fossil genera of decapod crustaceans". Raffles Bulletin of Zoology, 21: 1-109 Texto orixinal en PDF.

Véxase tamén[editar | editar a fonte]

Commons
Commons ten máis contidos multimedia sobre: Pandálidos
Wikispecies-logo.svg
Wikispecies posúe unha páxina sobre: Pandálidos

Bibliografía[editar | editar a fonte]

  • Costello, M. J., Emblow, C. & White, R. J. (eds.) (2001): European register of marine species: a check-list of the marine species in Europe and a bibliography of guides to their identification. Paris: Muséum national d'Histoire naturelle. Collection Patrimoines Naturels, 50. ISBN 2-85653-538-0.
  • Holthuis, L. B. (1993): The recent genera of the Caridean and Stenopodidean shrimps (Crustacea, Decapoda): with an appendix on the order Amphionidacea. Leiden: Nationaal Natuurhistorisch Museum. ISBN 9-07323-921-4.
  • Raabe, Charles & Linda Raabe (2008): "The Caridean shrimp: Shrimp Anatomy - Illustrations and Glossary".
  • Tavares, Carolina & Joel W. Martin (2010): "Suborder Dendrobranchiata Bate, 1888", en F. R. Schram, J. C. von Vaupel Klein, J. Forest & M. Charmantier-Daures (eds.) Treatise on Zoology – Anatomy, Taxonomy, Biology – The Crustacea. Volume 9A Eucarida: Euphausiacea, Amphionidacea, and Decapoda. Brill Publishers. ISBN 978-90-04-16441-3. PDF.

Outros artigos[editar | editar a fonte]

Ligazóns externas[editar | editar a fonte]