Moeda dun franco Jacques Rueff
1 franco Jacques Rueff [1][2][3] | |
---|---|
A/: Retrato en tres cuartos de Jacques Rueff. Á súa esquerda a "Sementadora". Monograma do gravador (PRodier).
Lendas: RÉPUBLIQUE FRAÇAISE / 1896 JACQUES RUEFF 1978 |
R/: Alegoría feminina da liberdade, entre follas de loureiro e de carballo e o valor facial (1 F). No exergo data e marcas de ceca (cornucopia e abella).
Lendas: LIBERTÉ ÉGALITÉ FRATERNITÉ |
|
O franco Jacques Rueff é unha moeda con valor facial dun franco francés emitida en 1996 en conmemoración do centenario do nacemento do economista francés Jacques Rueff (1896-1978), inspirador do "Plan do 58", de recuperación da economía francesa.[1][2][3]
Caracterización[editar | editar a fonte]
O deseño e o gravado da moeda débeselle ao artista Pierre Rodier (nado en 1939), naquel momento gravador xeral de moedas de Francia (1994-2001). Rodier escolleu como motivo principal do anverso un retrato de Jacques Rueff xunto cunha representación da silueta da "Sementadora", característica das moedas dun "franco novo" (1960-2001), cuxa creación foi impulsada por Jacques Rueff.
Da produción do franco conmemorativo do centenario do nacemento de Jacques Rueff encargouse a Monnaie de Paris.[1][2]
Existe unha variante da moeda, á parte do seu modelo estándar. Trátase dunha tiraxe reducida cun acabamento especial (proof ou essai), con fondo espello e relevo mate, na que se inscribiu a palabra ESSAI en letras pequenas no anverso, ao pé da representación da "Sementadora".[1][4]
Tiraxes[editar | editar a fonte]
Ano de emisión | Tipo | Exemplares cuñados |
---|---|---|
1996 | Proof - Essai | 1.850 |
Estándar | 2.978.513 |
Notas[editar | editar a fonte]
- ↑ 1,0 1,1 1,2 1,3 "1 franc Jacques Rueff Nickel". fr.numista.com
- ↑ 2,0 2,1 2,2 "1 Franc (100th Birth anniversary of economist Jacques Rueff)". Colnect.com
- ↑ 3,0 3,1 Lauber W. (2013). Páxinas 114, 122 (foto nas páxinas 114-115).
- ↑ "1 Franc (100th Birth anniversary of economist Jacques Rueff - Essai)". Colnect.com
Véxase tamén[editar | editar a fonte]
Bibliografía[editar | editar a fonte]
- Demougin, J. (2003). Histoire du franc. Editions du Layeur. ISBN 978-2915118094
- Lauber W. (2013). "Les monnaies commémoratives de la Cinquième Republique. Partie 1: Les pièces de 1 franc". En Moneta. Société numismatique d'Ottawa. Vol. 4. Nº 3. Marzo. Páxinas 110-115, 122.