Mickey Rooney

Na Galipedia, a Wikipedia en galego.
Mickey Rooney
Mickey Rooney still.jpg
Mickey Rooney en 1945.
Nacemento Joseph Yule, Jr.
23 de setembro de 1920
Brooklyn, Nova York, Estado de Nova York, Estados Unidos de América Estados Unidos
Falecemento 6 de abril de 2014 (93 anos)
Studio City, Os Ánxeles, California, Estados Unidos de América Estados Unidos
Profesión Actor (1922-2014)
Páxina web oficial
Ficha na IMDb
Rooney en 2013.

Mickey Rooney, nado Joseph Yule, Jr. en Nova York o 23 de setembro de 1920 e finado nos Ánxeles o 6 de abril de 2014, foi un actor estadounidense.

Traxectoria[editar | editar a fonte]

Fillo dos actores de vodevil Joe Yule e Nellie W. Carter, comezou a súa carreira en 1922 con 17 meses como parte do espectáculo de seus pais ata que se separaron en 1924, quedando Mickey con súa nai que marchou a vivir a Hollywood. A partir de 1927 realizou o papel de Mickey McGuire, baseado na banda deseñada de Fontaine Fox, nunha longa serie de curtas que remataron en 1936.

Ao ano seguinte seleccionouse a Rooney para realizar o papel de Andy Hardy en A Family Affair e fixo o seu primeiro protagonista nunha longametraxe, en Thoroughbreds Don't Cry xunto a Judy Garland. En Boys Town con Spencer Tracy interpretou o seu primeiro papel dramático. Outros filmes de grande éxito foron Babes in Arms (1939), Strike Up the Band (1940) e Babes on Broadway (1941).

Durante a Segunda Guerra Mundial serviu no exército entretendo as tropas en Europa e América e como personalidade da radio da American Forces Network. Despois da guerra volveu á súa carreira como actor pero con menos éxito. The Mickey Rooney Show (1954-1955) foi a primeira serie que realizou para a televisión. Na década de 1960 actuou sobre todo no teatro, aínda que seguiu a actuar en filmes, como en Breakfast at Tiffany's (1961) e na televisón, coa súa propia serie Mickey (1964-1965). Desde entón seguiu a alternar o seu traballo en cine, televisión e teatro.

Véxase tamén[editar | editar a fonte]

Commons
Commons ten máis contidos multimedia na categoría: Mickey Rooney Modificar a ligazón no Wikidata

Ligazóns externas[editar | editar a fonte]