Mar Capeáns
| Biografía | |
|---|---|
| Nacemento | 1967  (56/57 anos)Santiago de Compostela, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | física |
| Empregador | Consello Europeo para a Investigación Nuclear DESY (pt)  Universidade de Heidelberg |
 | |
Mar Capeáns Garrido, nada en Santiago de Compostela en 1967, é unha influente física galega. Foi a primeira española que formou parte do equipo científico permanente do CERN, no Laboratorio Europeo de Física de Partículas en Xenebra,[1][2] onde dirixe o Crupo de xestión de proxectos do Departamento de Tecnoloxía do CERN.[3]
Traxectoria[editar | editar a fonte]
É licenciada en Física pola Universidade de Santiago de Compostela (1991) e doutora en Física de Partículas pola mesma universidade.[4] En 1992 incorporouse ao CERN cun programa de estudantes no grupo de desenvolvemento de detectores de Georges Charpak, premio Nobel de Física.[5] Alí permaneceu seis anos traballando en proxectos de I+D na busca de tecnoloxías de detección apropiadas para os experimentos do Large Hadron Collider (LHC). En 1998 trasladouse a Alemaña para participar no deseño, construción e posta a punto do detector de trazas no experimento HERA-B no DESY (Hamburgo).
No 2000 regresou ao CERN e en 2001 incorporouse como membro do persoal científico desta organización ao experimento ATLAS do LHC, onde desenvolveu a súa actividade no deseño e construción do detector de trazas. En 2006 realizou un MBA en Xestión de Proxectos Tecnolóxicos na Universidade de Lausana e EPFL. No 2005 uniuse ao grupo de Tecnoloxía de Detectores do CERN, que liderou desde 2012 até 2017.[3]
Foi membro do grupo consultivo de igualdade de oportunidades do CERN[5] e imparte charlas para incentivar as vocacións femininas entre o alumnado de secundaria.[6]
É importante que a organización na que traballas teña unha política clara de diversidade, onde todo o mundo saiba que é a discriminación e como se manifesta, e segundo, que teña os mecanismos axeitados para solucionar estes problemas de forma eficaz e transparente.[7]
Capeáns é autora de moitos artigos científicos no eido da Física de Altas Enerxías e a instrumentación, é editora da revista Journal of Instrumentation (JINST), e participou como asesora en consellos científicos e na avaliación de financiamento para programas da Comisión Europea e tamén en proxectos internacionais.[8]
En 2023 a revista Gciencia considerouna unha das 20 mulleres de ciencia en Galicia que había que coñecer.[9]
Notas[editar | editar a fonte]
- ↑ "Mar capeáns, Científica del equipo del Gran Colisionador de Partículas de Ginebra "En casa las chicas salimos de ciencias y ellos de letras"". www.laopinioncoruna.es. Consultado o 2020-08-03.
- ↑ Rey/Xenebra, Manuel (2017-11-25). "Mar Capeáns: "Hai moitas oportunidades para traballar no CERN; hai que intentalo"". GCiencia. Consultado o 2020-08-03.
- ↑ 3,0 3,1 "Mar Capeáns". FBBVA (en castelán). Consultado o 2020-08-03.
- ↑ "A ciencia ten nome de muller" (PDF). Uvigo. Arquivado dende o orixinal (PDF) o 06-08-2020. Consultado o 3-8-2020.
- ↑ 5,0 5,1 swissinfo.ch, <Belén Couceiro>, Ginebra. "Una mujer triunfa en un mundo de hombres". SWI swissinfo.ch (en castelán). Consultado o 2020-08-03.
- ↑ "Mar Capeáns: "Necesitamos un liderazgo femenino. Cuando damos oportunidades a las mujeres los resultados son espectaculares"". Pontevedra Viva (en castelán). Consultado o 2020-08-03.
- ↑ Entrevistaen Físical Interviú.
- ↑ Fernando Sarasketa. "Mar Capeáns convidou ás rapazas a participar plenamente nos cambios TIC que nos agardan". Código Cero - Diario Tecnolóxico de Galicia. Consultado o 2020-08-03.
- ↑ García, Victoria (2019-03-07). "Vinte mulleres de ciencia en Galicia que tes que coñecer". GCiencia. Consultado o 2023-02-11.
