Marín (periódico)
Marín | |
---|---|
Localidade | Marín |
Na rede | |
[ editar datos en Wikidata ] |
Marín foi un periódico editado en Marín entre 1913 e 1915.
Historia e características[editar | editar a fonte]
Subtitulado Semanario independiente, apareceu o 16 de febreiro de 1913. Veu subsistir a El Fustazo. Dirixido por Raimundo Vidal Pazos ata outubro de 1913. O periódico estaba vinculado ao que fora alcalde de Marín e presidente da Deputación de Pontevedra, Antonio Pazos Fontenla, e manifestou a súa admiración por Eduardo Vincenti. Entre os seus colaboradores figuraron Domingo Seguí, José Pueyo García, Ramón María del Valle Inclán, Antonio Noriega Varela, Sofía Casanova, Gerardo Álvarez Limeses e Sarah Lorenzana. Publicou textos de Valentín Lamas Carvajal, Rosalía de Castro, Joaquín Costa, Victor Hugo e Lev Tolstoi. Manifesta unha mentalidade progresista e preocupación polo problema da emigración. Incluíu novas de Galicia, notas de sociedade e datos sobre a vida cotiá de Marín, lonxa municipal, movemento de poboación, información da sociedade Hijos de Marín de Bos Aires, crónicas da I Guerra Mundial, artigos de divulgación e sección poética. Sostivo polémicas cos periódicos locais La Defensa e El Eco de Marín. Cesou a súa edición o 14 de novembro de 1915.
Véxase tamén[editar | editar a fonte]
Bibliografía[editar | editar a fonte]
- "Marín". Enciclopedia Galega Universal. Ir Indo. 1999-2002. ISBN 84-7680-288-9.
- Santos Gayoso, Enrique (1990). Historia de la Prensa Gallega 1800-1986. Sada: Do Castro. p. 482. ISBN 84-7492-489-8.