Manuel Regal Ledo

Manuel Regal Ledo
Biografía
Nacemento	9 de febreiro de 1947 (77 anos); Chantada, España
Relixión	Igrexa católica
Educación	Universidade de Deusto
Actividade
Ocupación	teólogo, escritor

Manuel Bernardo Regal Ledo, nado en Chantada o 9 de febreiro de 1947, é un teólogo e escritor galego.

Traxectoria

Estudou no mosteiro de Samos, profesando como frade bieito en 1969, e licenciouse en teoloxía bíblica na Universidade de Deusto. Está vencellado ás revistas Irimia e Encrucillada e ao movemento de renovación cristiá e galeguista que estas preconizan. Colaborou na edición da Biblia á lingua galega desde os textos orixinais traducindo os libros dos Macabeos, a Carta aos Colosenses de San Paulo e parte das Cartas Católicas.^[1] Desde 1993 é educador no Proxecto Home de Lugo.

Co evanxeo pola man. Comentarios, pregarias e preces sobre o evanxeo de cada domingo, 1992, SEPT.
Benqueridos amigos. Comentarios, pregarias e preces sobre o Evanxeo de cada domingo. Ciclo B, 1993, SEPT.
Convocados para a irmandade. Comentarios, pregarias e preces sobre o Evanxeo de cada domingo. Ciclo C, 1994, SEPT.
No nome do pai. Cadernos de oración, 1996, SEPT.
A partir de hoxe, 2000, SEPT.
Xuntos facemos pobo, 2001.
Roxelio Subiela Ledo. A gracia dun home de aldea, 2003, Irimia.
A graza daquel verán. Reflexións e pregarias desde os exercicios espirituais na vida diaria, 2009, Encrucillada.
Terra de seu. Breve historia do campesiñado galego, 2009, Movemento Rural Cristián de Galicia.
Xesús, aquel home de aldea, 2009.
Os Salmos hoxe. Versión oracional á luz do Evanxeo, 2012, SEPT.

Historia da Igrexa Galega, 1994, SEPT (en colaboración con José García Oro e Arximiro López Rivas).
Homenaxe poética ao trobador Xohan de Requeixo, 2003.
As monxas de Abadín: froitos dunha árbore de vida, 2012.

Las comunidades terapéuticas de Proyecto Hombre. Historia, balance y perspectivas, 2010, Sotelo Blanco.

Dolores Vilavedra (coord.), Diccionario da Literatura Galega, Vol I, Vigo, 1995 páx. 496-497