Manuel Estévez Caneda
| Biografía | |
|---|---|
| Nacemento | 8 de novembro de 1824  Bouzas, España |
| Morte | 23 de abril de 1893 (68 anos) Avellaneda, Arxentina |
| Datos persoais | |
| País de nacionalidade | España |
| Actividade | |
| Lingua | Lingua castelá |
Manuel Estévez Caneda, nado en Bouzas (Vigo) o 8 de novembro de 1824 e finado en Barracas al Sud (Provincia de Buenos Aires) o 23 de abril de 1893, foi un político galego.
Traxectoria[editar | editar a fonte]
Emigrado á Arxentina, traballou nun salgadoiro de carne. Foi procurador nos tribunais de xustiza. En 1856 elixírono concelleiro suplente no municipio de Barracas al Sud (hoxe Avellaneda), onde exerceu tamén como xuíz de paz, administrador de correos (1859-1875) e presidente do Consejo Escolar. Foi alcalde do municipio e en 1880 iniciou a construción dun novo templo parroquial, da nova casa do concello, do teatro Ribadavia e do mercado. Foi comisionado da Asociación Protectora de los Inválidos, socio fundador da Sociedad de Socorros Mutuos de Barracas e simpatizante da asociación Libre Italia e da loxa masónica Hijos del Progreso.
Véxase tamén[editar | editar a fonte]
Bibliografía[editar | editar a fonte]
- Cagiao Vila, María del Pilar; Núñez, Xosé M. (2007). "Os galegos de ultramar: Galicia e o Río de la Plata". A gran historia de Galicia. 21. 10. 2. La Voz de Galicia. p. 25. ISBN 978-84-96931-00-8.
- Pérez Leira, Lois (2011). Protagonistas de una historia colectiva II. Vigo: Grupo de Comunicación de Galicia en el Mundo. pp. 127–132. ISBN 978-84-938464-4-2.
- Varela, Rudi (2004). Manuel Estévez Caneda. Factotum de Barracas al Sud, Avellaneda. Avellaneda: Dirección de Patrimonio Cultural – Archivo Histórico.