Lois XVI de Francia

Lois XVI de Francia

Nome orixinal	(fr) Louis XVI
Biografía
Nacemento	23 de agosto de 1754 Palacio de Versalles, Francia
Morte	21 de xaneiro de 1793 (38 anos) Praza da Concordia (Primeira República Francesa)
Causa da morte	pena de morte, morte baixo a guillotina
Lugar de sepultura	Basílica de Saint-Denis (1815–) cemiterio de la Madeleine
Rei dos franceses
4 de setembro de 1791 – 10 de agosto de 1792 ← sen valor – Supresión do cargo →
17º Copríncipe francés de Andorra
10 de maio de 1774 – 10 de agosto de 1792 ← Lois XV de Francia – Napoleón I de Francia → Xunto con: Joaquín de Santiyán y Valdivielso, Juan de García y Montenegro, Josep de Boltas
Rei de Francia e de Navarra
10 de maio de 1774 – 4 de setembro de 1791 ← Lois XV de Francia – Supresión do cargo →
Gran Mestre da Orde da Nosa Señora do Monte Carmelo e San Lázaro de Xerusalén
15 de xullo de 1757 – 1772 ← Lois I de Orleáns – Lois XVIII de Francia →
Datos persoais
Residencia	Palacio de Versalles
Relixión	Catolicismo
Cor dos ollos	Verde
Actividade
Ocupación	político, coleccionista de arte, gobernante, monarca
Profesores	Alexandre-Frédéric-Jacques Masson de Pezay (pt) e Claude-François Lizarde de Radonvilliers (pt)
Outro
Título	Duque
Familia	Dinastía Borbón
Cónxuxe	María Antonieta de Austria (1770–1792)
Fillos	María Tareixa de Francia, Lois Xosé, Delfín de Francia, Lois XVII de Francia, Marie Sophie Hélène Béatrice de Bourbon
Pais	Lois de Borbón   e María Xosefa de Saxonia
Irmáns	María Tareixa de Francia María Ceferina de Francia Xavier Lois, Duque de Borgoña Lois XVIII de Francia Carlos X de Francia Isabel de Francia (1764-1794) María Clotilde de Francia
Condenado por	traizón
Premios
(27 de xullo de 1761)  Cabaleiro da Orde do Vélaro de Ouro  Cabaleiro da Orde de San Miguel  Cabaleiro da Orde do Espírito Santo
Sinatura
Descrito pola fonte	Dicionario Enciclopédico Brockhaus e Efron Q19457483 Obálky knih,

Lois XVI de Borbón ou Luís XVI de Borbón, nado en Versalles en 1754 e executado en París o 21 de xaneiro de 1793, foi rei de Francia (1774-1789), e despois rei dos Franceses (1789-1792).

Traxectoria

Era fillo do delfín Lois e de María Xosefa da Saxonia e esposo de María Antonieta de Austria (con quen casou aos 16 anos).

Cando subiu ao trono, as finanzas reais non se encontraban nunha situación favorable, e así permaneceron até a chegada da Revolución Francesa, altura en que Lois XVI foi deposto. Aconsellado por Maurepas, escolleu para ministros homes de talento: Saint-Germain, Turgot, Malesherbes. Reconvocou o Parlamento, mais este volveu a facerlle oposición. O rei tivo que abandonar os seus ministros reformistas (1776), substituíndoos por Necker, tamén destituído despois de ter publicado a Prestación de contas ao rei sobre o estado das finanzas (1781).

Non é capaz de evitar a Revolución, apoiando as reformas económicas e sociais propostas por Turgot e Necker, nin tornarse líder popular, por non comprender as aspiracións do pobo.

A política exterior feita por Vergennes e o Tratado de Versalles restauraron o prestixio de Francia. Mais, no interior do país, a oposición creceu; Calonne, seguido de Loménie de Brienne, tentou en van resolver a crise financeira. Convocou a alta aristocracia na Asemblea dos Notables (1787) e nada conseguiu. Lois XVI tivo que chamar de volta a Necker (1788) e prometer a convocación dos Estados Xerais, que estaban á marxe do goberno desde había 175 anos. Os Estados Xerais, que se reuniron en Versalles en 1789, son a reunión dos tres estamentos da sociedade desde a Idade Media: o nobre que loita (1º estado), o clero que reza (2º estado) e o campesiñado que traballa (3° estado). Estes feitos marcaron o inicio da Revolución.

A execución de Lois XVI.

Os deputados do Terceiro Estado constituíron a Asemblea Nacional e despois Asemblea Constituínte. A familia real foi levada á forza de Versalles para París (outubro de 1789) e a súa tentativa de fuxir do país foi frustrada en Varennes (20 de xuño de 1791), cando foi feita prisioneira da Comuna insurreccional (10 de agosto). A monarquía foi abolida o 21 de setembro de 1792. Lois XVI, desmoralizado pola súa errada tentativa de fuga e polas súas negociacións co estranxeiro, perdeu completamente a popularidade. Encerrado no Templo e acusado de traizón, foi xulgado pola Convención e condenado a morte, sendo guillotinado o 21 de xaneiro de 1793. A raíña consorte María Antonieta foi executada seis meses despois. A súa morte provocou a unión dos soberanos europeos contra a Francia revolucionaria.

Dobre luís cuñado a nome de Lois XVI en 1789.

Pénsase que as chamas da Revolución en parte, foron influenciadas polas mentiras que rodearom o famoso escándalo do colar, polo feito do rei dar voz á súa esposa, imprudentemente, sobre asuntos políticos e aínda o odio que moitos membros da nobreza e clero tiñan contra María Antonieta, da liñaxe dos Habsburgo, eternos rivais dos Borbóns e pola súa frivolidade e gusto polo luxo.

Descendencia

Do seu casamento con María Antonieta, arquiduquesa da Austria, tivo os seguintes fillos:

• María Teresa Carlota (1778-1851), Madame Royale, casou en 1799 con Luís Antonio de Artois, Duque de Angoulême;
• Luís Xosé Xavier Francisco (1781-1789), 1º Delfín de Francia;
• Lois Carlos (1785-1795) Duque de Normandía, 2ª Delfín de Francia e futuro Lois XVII;
• Sofia Beatriz (1786-1787).

Véxase tamén

Rei de Francia
Segue a: Lois XV de Francia	Lois XVI de Francia (1774-1791)	Precede a: Convención nacional Napoléon Bonaparte (o 1804)
	Dinastía Borbón