Karel van Mander

Na Galipedia, a Wikipedia en galego.
Karel van Mander

Karel van Mander (Meulebeke, maio de 1548Amsterdam, 2 de setembro de 1606) foi un pintor, poeta e biógrafo flamengo.

Biografía[editar | editar a fonte]

Nacido no seo dunha família nobre de Meulebeke, realizou o seu aprendizado con Lucas de Heere en Gante, e entre 1568 e 1569 con Pieter Vlerick en Kortrijk. Nos cinco anos seguintes dedicouse a escrebir obras de teatro de carácter relixioso, para as que tamén realizou os decorados. Posteriormente pasou tres anos en Roma (1574-1577). De volta desta viaxe pasou por Viena, onde en compaña do escultor Hans Mont, construíu o arco de triunfo para a entrada do emperador Rodolfo II.

Continencia de Escipión de Karel van Mander (1600), óleo sobre coiro, 44 x 79 cm. Rijksmuseum, Amsterdam

Logo de variadas vicisitudes causadas pola guerra, a perda da súa fortuna e a enfermidade, instalouse en Haarlem, onde xunto con Hendrik Goltzius e mais Cornelis Cornelisz. van Haarlem, fundou unha exitosa academia de pintura.

O Schilderboek[editar | editar a fonte]

Porén, a súa fama provén fundamentalmente do seu libro Schilderboeck ("Libro dos pintores"), un voluminoso conxunto de biografías de pintores, que chegou adquirir para os países do norte de Europa una importancia semellante á de Le Vite de' più eccellenti pittori, scultori, e architettori, de Vasari para Italia. Esta obra rematouna no ano 1603, publicándoa ao ano seguinte, 1604, coincidindo coa súa mudanza para Amsterdam, onde falececería no 1606.

Van Mander influíu de xeito notábel na literatura sobre arte dos séculos XVII e XVIII, así entre outros, Cornelis de Bie e Arnold Houbraken imitaron a súa Schilderboeck.

Mestre de Frans Hals[editar | editar a fonte]

Van Mander foi mestre de Frans Hals, aínda que parece que a influencia sobre o seu pupilo non foi tan importante - de certo Hals estaba en desacordo coa convencional crenza de Mander de que a pintura de tema histórico ocupaba o lugar preeminente na xerarquía de xéneros.

Véxase tamén[editar | editar a fonte]

Commons
Commons ten máis contidos multimedia sobre: Karel van Mander

Ligazóns externas[editar | editar a fonte]