Julia Donaldson

Julia Donaldson

(2011)
Biografía
Nacemento	16 de setembro de 1948 (75 anos) Londres, Reino Unido
Datos persoais
País de nacionalidade	Reino Unido
Educación	Universidade de Bristol (pt) The Camden School for Girls (en)
Actividade
Lugar de traballo	Glasgow
Ocupación	escritora , autora , dramaturga , escritora de literatura infantil
Período de actividade	1993 -
Lingua	Lingua inglesa
Obra
Obras destacables (1999) The Gruffalo (pt) (2000) Monkey Puzzle (en) (2002) Room on the Broom (en) (2003) The Snail and the Whale (en) (2004) The Gruffalo's Child (en)
Familia
Fillos	Alastair F. Donaldson (en)
Premios (2003)  Kiddo Leespluim (en) (1999)  Nestlé Smarties Book Prize, premiado polo traballo The Gruffalo (pt)  membro da Orde do Imperio Británico  Comandante da Orde do Imperio Británico
Voz: Julia Donaldson
Páxina web	juliadonaldson.co.uk

Julia Donaldson MBE , nada en Hampstead, Londres, o 16 de setembro de 1948 é unha autora inglesa de libros infantís coñecida polo personaxe do Gruffalo (en galego Grúfalo). Foi recoñecida co Premio Infantil 2011–2013 e coa Orde do Imperio Británico.

Traxectoria

Donaldson estudou literatura e francés na Universidade de Bristol entre 1967 e 1970, e traballou como profesora, xornalista e outros oficios, antes de vivir profesionalmente da escritura de libros.

Comezou a crear cancións para programas de televisión infantil, e neste contexto coñeceu ao ilustrador Axel Scheffler (na imaxe) que quería ilustrar a canción "A Squash and a Squeeze": en 1993 publicou o seu primeiro libro conxunto. Desde entón escribiron moitos, The Gruffalo (1999) converteuse nun éxito de vendas e foi traducido a moitos idiomas (máis de 30), entre eles o galego: O Grúfalo. O libro recibiu numerosos premios (entre eles o Smarties Prize, o Blue Peter Award ou o Experian Big Three Award ). Tamén se converteu nunha película de animación por ordenador, de produción anglo-alemá, en 2009, que foi estreada no CGAI.

A The Gruffalo seguiron moitos libros, algúns derivados desta obra, como The Gruffalo's child, (tamén convertida en filme animado en 2011). Moitos dos libros de Donaldson están escritos en verso.

A autora levou a cabo varias accións para fomentar a lectura entre os máis pequenos, especialmente animando a representar libros e cantar. E tamén creou obras de teatro para nenos; tamén recolleu un libro de poemas para ser interpretado (Poems to perform).

Algúns dos seus libros foron adaptados a unha versión cinematográfica, como The Gruffal, unha curtametraxe de 2009 baseada no libro homónimo de 1999, The Snail and the Whale, unha curtametraxe de 2019 baseada no libro homónimo de 2003.

Julia Donaldson recibiu dous doutoramentos honoris causa: pola Universidade de Bristol (2011) e pola Universidade de Glasgow (2012).

Publicacións

Julia Donalson con Axel Scheffler en Berlín en 2011

Os libros máis coñecidos de Donaldson inclúen:

• A Squash and a Squeeze con Axel Scheffler (1993, ISBN 1-4050-0477-0 )
• The Gruffalo con Axel Scheffler (1999, ISBN 0-333-71093-2 ) (gal. O Grúfalo)
• Room on the Broom con Axel Scheffler (2002, ISBN 0-333-90338-2 )
• The Smartest Giant in Towncon Axel Scheffler (2002, ISBN 0-333-96396-2 )
• The Gruffalo's Child con Axel Scheffler (2004, ISBN 1-4050-2045-8 )
• One Ted Falls Out of Bed con Anna Currey (2004, ISBN 0-333-94782-7 )
• Cave Baby con Emily Gravett (2010, 978-0-3305-2276-2)
• Zog (2010, ISBN 978-1-4071-1556-6)

Véxase tamén

Ligazóns externas

• Páxina web oficial de Julia Donaldson; en inglés
• The Gruffalo : páxina oficial, en inglés, de Macmillan Publishers