Jesús Ares Vázquez
| Biografía | |
|---|---|
| Nacemento | 26 de abril de 1933  (91 anos)Vilamor, España |
| Alcalde de Toques | |
| | |
| Datos persoais | |
| País de nacionalidade | España |
| Actividade | |
| Ocupación | político , taxista , gandeiro |
| Partido político | Partido Popular de Galicia Unión de Centro Democrático |
Jesús Ares Vázquez, nado Vilamor (Toques) o 26 de abril de 1933, é un político galego.
Traxectoria[editar | editar a fonte]
Traballou como taxista e gandeiro. Concelleiro en Toques dende 1974. Membro de UCD, foi o número 2 da candidatura Independentes de Souto nas primeiras eleccións democráticas[1], sendo a única que se presentou, e foi elixido concelleiro. Trala dimisión de Victorino Sánchez Rodríguez en 1982 foi elixido novo alcalde. Revalidou a alcaldía con maioría absoluta nas sucesivas eleccións, por CP (1983), pola CPG (1987) e polo PPdeG (1991, 1995, 1999 e 2003).
Condena[editar | editar a fonte]
En xaneiro de 2001 foi denunciado por abusos sexuais a unha rapaza de 15 anos, filla dun compañeiro de partido e membro das súas listas. Por estes feitos foi condenado en xaneiro de 2004, e negouse a dimitir[2][3] tralo cal foi expulsado do PPdeG. Concorreu ás municipais de 2007 encabezando a formación Xuntos Cara o Progreso de Toques, a cal resultou ser a máis votada pero sen maioría absoluta, polo que se uniron PSdeG, PPdeG, con 2 concelleiros cada partido, e o BNG cun único concelleiro,[4] para formar un goberno conxunto e apartalo da alcaldía, o cal levou á súa retirada da primeira liña política nese mandato.
Polémicas[editar | editar a fonte]
Ademais da denuncia e condena xa nomeadas, en 1995 quixo instalar unha fábrica de explosivos no municipio, o cal levou a un levantamento veciñal que chegou a ocupar o consistorio e supuxo que desistise da idea.
Vida persoal[editar | editar a fonte]
Casou e tivo 2 fillos.
Notas[editar | editar a fonte]
- ↑ La Voz de Galicia A Coruña, 1-4-1979, p.38
- ↑ D., L. (27 de xaneiro de 2004). "El alcalde de Toques se enfrenta al PP de Galicia y anuncia que no dimitirá de su cargo". libertaddigital.com (en castelán). Consultado o 22 de xuño de 2023.
- ↑ EFE (28 de xaneiro de 2004). "El alcalde de Toques se niega a dimitir en un pleno en el que se empujó e insultó a los periodistas". elmundo.es (en castelán). Consultado o 22 de xuño de 2023.
- ↑ Redacción (28 de maio de 2007). "Complicado panorama Toques con pérdida de mayoría del alcalde condenado por abusos". elcorreogallego.es (en castelán). Consultado o 22 de xuño de 2023.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Amistad con final amargo en Toques en La Voz de Galicia
- Crónica da súa condena en El Mundo
- PSOE y PP se turnarán en la alcaldía de Toques en un tripartito con el BNG en La Voz de Galicia
| Predecesor: Victorino Sánchez Rodríguez |
 Alcalde de Toques 1982 - 2007 |
Sucesor: Miguel Ángel Buján Varela |