Jablanica
| ||||
| Localización | ||||
|---|---|---|---|---|
| ||||
| Estado | Bosnia e Hercegovina | |||
Organização político-administrativa da Bósnia e Herzegovina (pt)  | Federación de Bosnia e Hercegovina | |||
| Cantões da Federação da Bósnia e Herzegovina (pt) | Herzegovina-Neretva (pt) | |||
| Municipality of the Federation of Bosnia and Herzegovina (en) | Jablanica Municipality (en)  | |||
| Capital de | ||||
| Poboación | ||||
| Poboación | 10.580 (35,15 hab./km²) | |||
| Xeografía | ||||
| Superficie | 301 km² | |||
| Bañado por | Río Neretva | |||
| Altitude | 202 m | |||
| Identificador descritivo | ||||
| Código postal | 88420 | |||
| Fuso horario | ||||
| Outro | ||||
| Irmandado con | ||||
| Páxina web | jablanica.ba | |||
Jablanica é unha cidade e un concello no norte de Hercegovina en Bosnia e Hercegovina, administrativamente ó Cantón de Hercegovina-Neretva, a cidade de Jablanica sitúase a carón do río Neretva.
Xeografía[editar | editar a fonte]
O concello de Jablanica ten 301 km² de superficie e 13.047 habitantes, sitúase nun socalco de 202 metros de altitude entre os macizos montañosos de Čvrsnica e Prenj.
Clima[editar | editar a fonte]
O clima é temperado mediterráneo cunha temperatura media anual de 12 °C e chuvia abundante.
Demografía[editar | editar a fonte]
O último censo oficial data de 1991, naquel entón o concello tiña 12.691 habitantes, distribuídos en 33 asentamentos, e a cidade tiña 4457 habitantes. Tras a sinatura do Acordo de Dayton Jablanica entrou a formar parte da Federación de Bosnia e Hercegovina.
Nacionalidades do concello en 1991[editar | editar a fonte]
- Bosníacos - 9.099 (71,69%)
- Croatas - 2.291 (18,05%)
- serbios - 504 (3,97%)
- Iugoslavos - 581 (4,57%)
- Outros - 216 (1,72%)
Nacionalidades da cidade[editar | editar a fonte]
- Bosníacos - 2.874 (64,48%)
- Croatas - 746 (16,73%)
- Serbios - 204 (4,57%)
- Iugoslavos - 455 (10,20%)
- Outros - 178 (4,02%)
Historia[editar | editar a fonte]
Polos restos arqueolóxicos máis antigos a zona estivo habitada na Idade do Cobre pero foi na época dos romanos e na Idade Media cando experimenta un notable aumento demográfico, con 22 localidades e 683 necrópoles con stećci e tumbas. Por esta zona pasaba tamén as rutas de caravanas que ían de Dubrovnik a Bosnia amais de vías secundarias ata o val do Vrbas. En 1446 en tempos de Estevo Tomé de Bosnia nun documento aparece a sinatura dun tal Radivoj Jablanović, o que se considera a primeira mención a Jablanica.
No primeiro defter realizado polos otománs na rexión 1477 menciónanse tres aldeas na zona: Žugle (Žuglići) Ostrozac e Čehari, no desfter de 1488/89 xa se menciona Jablanica no límite do distrito de Neretva como un timar con 67 casas, a renda dos impostos chegaba a 5623 akçe. A urbanización da zona comezou na época da monarquía dos Habsburgo en 1877, coa construción de cuarteis, pontes, túneles, estación de ferrocarril e hotel, así como casas e apartamentos para os funcionarios, establecéndose os alicerces da cidade actual. En 1893 cambiouse o seu nome, durante breve tempo, para Jablanica na Neretvi.
