Illa Guana
| Illa Guana | |
|---|---|
 Guana vista desde Tórtola | |
 Localización da illa | |
| Situación | |
| País | .svg){kind=small} Reino Unido |
| Arquipélago | Illas Virxes |
| Mar | Mar Caribe |
| Coordenadas | 18°30′N 64°38′O / 18.500, -64.633Coordenadas: 18°30′N 64°38′O / 18.500, -64.633 |
| Xeografía | |
| Superficie | 3´4 km² |
| Punto máis alto | 242 m. The Pyramid |
| Demografía | |
| Poboación | Non permanente |
Illa Guana (inglés Guana Island) é unha illa no arquipélago das Illas Virxes Británicas no mar Caribe pertencentes ao Reino Unido. Unha das poucas illas de propiedade privada que quedan nesta parte do mundo, Guana ten sete praias de area branca en po e 3´4 km² de bosques tropicais, montañas, outeiros e vales. A illa é principalmente unha reserva natural e ten un pequeno resort.
Xeografía[editar | editar a fonte]
Illa Guana está situada no mar Caribe a 1 km ao norte da illa principal de Tórtola e uns 12 km ao nordés da Illa Norman no lado sur de Tórtola.
A illa é de orixe volcánica e ten unha superficie de aproximadamente 3,4 km² e é a sétima illa máis grande do arquipélago. A altura máxima é The Pyramid cuns 242 m. de altitude. A illa é totalmente de propiedade privada, non ten poboación permanente e ten un pequeno centro turístico (resort).
A illa só se pode chegar por barco, o transbordador desde Tórtola tarda uns 10 minutos.
Historia[editar | editar a fonte]
A illa Guana foi descuberta 1493 por Cristovo Colón, durante a súa segunda viaxe ao Novo Mundo, o nome ven da forma da costa da illa que é similar a unha Iguana. En 1672 a illa incorporouse á colonia británica de Antiga. En 1773 converteuse con outras illas no territorio das Illas Virxes Británicas.
No século XVIII, dúas familias de Cuáqueros chegaron a Guana como parte do chamado " Experimento Cuáquero" que durou aproximadamente corenta anos e cinco anos nas IVB. Usaron escravos africanos e cultivaron cana de azucre. Cando foron chamados aos Estados Unidos e Inglaterra, deixaron atrás dous canóns aínda na Guana. Os arqueólogos estudaron extensamente as ruínas dos cuáqueros e tamén descubriron artefactos máis antigos que permiten coñecer a historia de Guana amerindia anterior.
En 1934 Beth e Louis Bigelow de Massachusetts compraron Guana. Coa axuda dos homes da localidade construíron seis cabanas de pedra e desenvolveron unha reputación como pioneiros creativos. Os seus clientes, profesionais, intelectuais e viaxeiros do mundo acudiron por grandes períodos de tempo, atraídos pola vida simple pero rica.
En 1975 Henry e Gloria Jarecki compraron Guana e comezaron a mellorar os aloxamentos e outras instalacións co obxectivo de manter o estilo histórico da illa e o ambiente. O interese na conservación conduciunos a establecer un programa de restauración a longo prazo para protexer a flora e fauna da illa.
O turismo é a única fonte de ingresos da illa, da renda cando se vai a alugar e unha serie de persoas famosas teñen vacacións na illa.
