Gerardo Torreiro López
Biografía | |
---|---|
Nacemento | 31 de xullo de 1905 Santiso, España |
Morte | 16 de decembro de 1979 (74 anos) Arzúa, España |
Datos persoais | |
País de nacionalidade | España |
Actividade | |
Ocupación | mestre , político |
Lingua | Lingua castelá |
Gerardo María Torreiro López, nado en Santiso o 31 de xullo de 1905[1] e finado en Arzúa o 16 de decembro de 1979, foi un mestre e político galego.
Traxectoria[editar | editar a fonte]
estivo emigrado en Cuba coa súa familia onde traballou como dependente dunha tenda de ultramarinos e na sucursal dun banco norteamericano. Retornou a Santiso aos 15 anos. Estudou Maxisterio na Escola Normal de Santiago de Compostela, rematando en 1929.[2] Foi mestre interino en Enquerentes (Touro) (1929).[3] Despois foi mestre de Fonxe (Arzúa). Militante de Izquierda Republicana, foi concelleiro de Arzúa en 1936. Logo do golpe de Estado do 18 de xullo de 1936 fuxiu e agochouse. Destituído como mestre. Fuxiu a Francia no bou Tiburón. Abríronlle unha causa en Ferrol por rebelión militar, e foi declarado fuxido e en rebeldía. En 1940 vivía na Coruña e como resultado da depuración foi condenado a dous anos sen soldo e destinado fora da provincia. Foi destinado a Matarrosa, no concello de Toreno (O Bierzo). Abríronlle expediente de responsabilidades políticas en 1942.[4] En 1949 volveu a Arzúa para facerse cargo da escola de Rendal. Finou en Arzúa o 16 de decembro de 1979.[5]
Notas[editar | editar a fonte]
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 41.
- ↑ El Eco de Santiago, 2-6-1929, p. 2.
- ↑ La Voz de Galicia, 17-11-1929, p. 5
- ↑ BOE, 15-9-1942, p. 3618-3619.
- ↑ Necrolóxica en La Voz de Galicia, 20-12-1979, p. 60.
Véxase tamén[editar | editar a fonte]
Bibliografía[editar | editar a fonte]
- Lanero Táboas, Daniel (2006). Concello, ed. Os remendos da memoria. A represión franquista no Concello de Arzúa (1936-1950). Arzúa. pp. 154–155. ISBN 84-606-4054-X.
Ligazóns externas[editar | editar a fonte]
- Gerardo Torreiro López na páxina web Nomes e Voces.