Fons Vitae (Museu da Misericórdia do Porto)
Fons Vitae | |
---|---|
Data | 1515 - 1517 |
Técnica | Óleo sobre madeira |
Dimensións | 267 cm × 210 cm |
Fons Vitae ( portugués : Fonte da Vida ) é un cadro anónimo da escola flamenga realizado entre 1515 e 1517. [1] Este painel monumental pertenceu anteriormente ao retablo da capela da Confraría da Misericordia na Sé Catedral de Porto [2] e hoxe está no Museu da Misericórdia do Porto. [1]
Esta pintura ao óleo sobre madeira é a miúdo considerada unha obra mestra da pintura flamenga [1] e é a peza máis importante deste museo do Porto. [3]
Autoría e encomenda[editar | editar a fonte]
É probábel que o painel fose encargado en Flandres polo rei D. Manuel [4] ou por alguén da súa corte vinculado á Misericordia. [1] Este rei foi de facto o principal impulsor da fundación da confraría e nese momento a cidade de Porto comezaba a ter grandes intercambios comerciais co norte de Europa. [1]
Non se coñece a identidade do pintor. Porén, os expertos atribúeno a Colijn de Coter [1] ou a Bernaert van Orley. [2]
Iconografía[editar | editar a fonte]
O cadro segue a iconografía dun Fons vitae que representa unha alegoría da Eucaristía. [5] A figura central é o corpo de Xesús cuxas feridas rezuman sangue que se acumula nunha fonte. Está flanqueado por María e o apóstolo Xoán que choran a súa morte. Arredor da fonte axeónllanse en oración varios personaxes, entre os que destacan, en primeiro plano, o rei D. Manuel I, a súa segunda muller María de Aragón e os Infantes e Infantas nacidos deste matrimonio. [5]
Esta peculiar representación atopa paralelismos no Tríptico do baño místico do pintor flamengo Jean Bellegambe conservado no Palais des Beaux-Arts de Lille [6] pero principalmente noutro cadro anónimo do século XVII na capela das Santas Chagas da Igrexa da Cividade en Braga. Nesta última, a base da fonte presenta unha inscrición extraída do Libro de Isaías: “haurietis aquas in gaudio de fontibus salvatoris” (E sacaredes con alegría augas das fontes da salvación).[7]
-
Cristo na Cruz na capela das Santas Chagas, Igrexa da Cividade, Braga.
-
Tríptico do Baño Místico por Jean Bellegambe, Palais des Beaux-Arts de Lille.
Notas[editar | editar a fonte]
- ↑ 1,0 1,1 1,2 1,3 1,4 1,5 Santa Casa da Misericórdia do Porto (2015). "Fons Vitae" (en Português). Consultado o 16 de julho de 2015.
- ↑ 2,0 2,1 Misericórdia do Porto (2012). "Fons Vitae" (en Português). Consultado o 16 de julho de 2015.
- ↑ Redación (15 de julho de 2015). "MMIPO, um novo museu no Porto com 500 anos de história dentro". Público (en Português).
- ↑ Redación (13 de maio de 2014). "Obras de arte reunidas ao longo de 500 anos vão ser expostas na Rua das Flores". Público (en Português).
- ↑ 5,0 5,1 Casimiro, Luís Alberto (2006–2007). "Pintura e Escultura do Renascimento no Norte de Portugal" (PDF). Revista da Faculdade de Letras (en Português) V–VI: 87–114.
- ↑ "Triptyque du Bain Mystique".
- ↑ Bellino, Albano (1900). Archeologia christã (en Português). Lisboa.