Emmy Sonnemann

Emmy Sonnemann
	;
Nome orixinal	(de) Emmy Göring
Biografía
Nacemento	(de) Emma Johanna Henny Sonnemann ; 24 de marzo de 1893 ; Hamburgo, Alemaña
Morte	8 de xuño de 1973 (80 anos); Múnic, Alemaña
Lugar de sepultura	Waldfriedhof de Munique (pt)
Datos persoais
País de nacionalidade	Alemaña
Actividade
Ocupación	actriz de teatro , actriz de cinema , autobiógrafa
Partido político	Partido Nacionalsocialista Alemán dos Traballadores
Lingua	Lingua alemá
Familia
Cónxuxe	Hermann Göring (1935–1946)
Fillos	Edda Göring (pt)
	Premios (1934) Staatsschauspieler (en) ; Crachá Dourado do Partido Nazi (pt) ;

Emma Johanna Henny Sonnemann, nada en Hamburgo en 1893 e finada en Múnic en 1973, foi unha actriz alemá, coñecida por ser a segunda muller de Hermann Göring (1935-1946).

Traxectoria[editar | editar a fonte]

Filla dun xerente dunha fábrica de chocolate, pasou unha infancia despreocupada. En 1911 entrou na escola de teatro de Leopold Jessner e fíxose actriz profesional. En 1916 casou cun actor, pero o matrimonio nun durou moito. En 1922 entrou no Teatro Nacional Alemán de Weimar.

En 1932 coñeceu a Hermann Göring durante unha visita á cidade de Adolf Hitler. En 1933 por influencia de Göring, xa presidente do goberno de Prusia, entrou a formar parte do Berliner Schauspieltheater. En 1934 actuou no filme Wilhelm Tell no papel de Hedwig. O 10 de abril de 1935, data da voda entre Emmy e Göring, declarouse xornada festiva en Alemaña, e pouco despois Emmy abandonou a súa carreira teatral. En 1938 naceu a súa única filla, Edda.

Hitler mandou deter a Göring e a súa familia o 25 de abril de 1945 por alta traizón, e Emmy permaneceu arrestada ata a rendición de Alemaña. O 25 de outubro de 1945 detivérona os americanos ata o 19 de febreiro de 1946. Detida de novo o 27 de maio de 1947, acusada de enriquecemento ilícito durante o réxime nazi, e trasladada ao campo de internamento de Göggingen, condenada a un ano de traballos forzados e a incautación do 30% do seu patrimonio. Posta en liberdade en xullo de 1948 trasladouse a vivir a Múnic.

En 1967 publicou un libro de memorias.