Elena Odriozola

Na Galipedia, a Wikipedia en galego.
Infotaula de personaElena Odriozola

Editar o valor em Wikidata
Biografía
Nacemento27 de novembro de 1967 Editar o valor em Wikidata (56 anos)
Donostia, España Editar o valor em Wikidata
Datos persoais
País de nacionalidadeEspaña Editar o valor em Wikidata
Actividade
Campo de traballoIlustración Editar o valor em Wikidata
OcupaciónIlustradora
LinguaLingua éuscara e lingua castelá Editar o valor em Wikidata
Premios
Páxina webelenaodriozola.blogspot.com.es Editar o valor em Wikidata

Elena Odriozola Belástegui, nada en Donostia, o 27 de novembro de 1967, é unha ilustradora vasca de grande proxección internacional e con diversos galardóns, entre eles o Premio Euskadi de Literatura na categoría de ilustración (2009, 2013), Premio Nacional de Ilustración (2015) e a Mazá de Ouro da Bienal de Ilustración de Bratislava (2015). [1] [2]

Traxectoria[editar | editar a fonte]

Nada nunha familia de artistas, comezou o seu interese pola pintura aos trece anos e máis tarde estudou Arte e Decoración. Comezou a súa carreira profesional nunha axencia de publicidade en 1989 e en 1995 publicou o seu primeiro libro ilustrado, Agure jakagorria do autor Jesús Mari Olaizola "Txiliku".[3] Ao longo da súa traxectoria ten ilustrado máis de cen títulos, utilizando principalmente a técnica acrílica, lapis e goma, papel sumi-e e cortador.[4]

Entre os seus autores de referencia están, entre outros, Nathalie Parain, Wolf Erlbruch, Sempé, Arthur Rackham, Lisbeth Zwerger e Czechka.[4]

Ilustración e deseño[editar | editar a fonte]

Na súa obra ilustrada traballou especialmente con autores, maiormente vascos como Mariasun Landa, Arantxa Iturbe, Juan Kruz Igerabide, Anjel Lertxundi, Felipe Juaristi ou Patxi Zubizarreta, acadando con estes autores unha sensibilidade e un estilo común. Ademais da súa obra en éuscaro, ilustrou a obra de autores en castelán, catalán e inglés.

Tamén colaborou en obras publicadas en galego, como Oda a unha estrela (2009) publicado por Kalandraka Editora, onde ilustra un texto de Pablo Neruda, traducido por Xosé Ballesteros Rei; Un segredo do bosque (2008), Tres irmás ladroas (2007) e A princesa que bocexaba a todas horas (2005), publicados por OQO, e Furia (2007), publicada por Baía Edicións.[5]

Ten deseñado tamén logotipos e carteis para diversos eventos [6][7][8] e as etiquetas da colección 7 cepas, en homenaxe a autores como Virginia Woolf, Rubén Darío, Verne, Cervantes, Lorca, Baudelaire, Quevedo ou Stevenson.[9]

Notas[editar | editar a fonte]

  1. ↑ Odriozola, Elena (2015). "Bienal de ilustración de Bratislava"" (en castelán). OEPLI. Consultado o 29 de agosto de 2016. 
  2. ↑ File:Frankenstein (Nórdica, 2013).jpg
  3. ↑ Odriozola, Elena (2007). "Elena Odriozola" (97): 87–88. 
  4. ↑ 4,0 4,1 "Elena Odriozola" (16). 2016: 42–47. 
  5. ↑ "Elena Odriozola". www.culturagalega.org. Arquivado dende o orixinal o 08 de agosto de 2023. Consultado o 08 de agosto de 2023. 
  6. ↑ Odriozola, Elena (2016). ""77ªedición de la Quincena Musical de Donostia.(2016)"" (PDF) (en castelán). Quincena Musical de San Sebastián. Arquivado dende o orixinal (PDF) o 28 de novembro de 2018. Consultado o 29 de agosto de 2016. 
  7. ↑ Levante-EMV. "La ilustradora Elena Odriozola crea el cartel de la Fira del Llibre" (en castelán). Consultado o 23 de xaneiro de 2020. 
  8. ↑ Martínez, Borja (2017). "Biblioteca del Vino: bodega de la literatura" (outubro, 2017, 286): p.38–39. ISSN 1130-7676. 
  9. ↑ Odriozola, Elena (2017). ""7 cepas.(2017)"" (en castelán). Pencil Ilustradores. Arquivado dende o orixinal o 14 de outubro de 2017. Consultado o 14 de outubro de 2017. 

Véxase tamén[editar | editar a fonte]


Ligazóns externas[editar | editar a fonte]

Traído desde «https://gl.wikipedia.org/w/index.php?title=Elena_Odriozola&oldid=6543593»