El Fary

Na Galipedia, a Wikipedia en galego.
El Fary
Nome completo José Luis Cantero Rada
Naceu 20 de agosto de 1937
Orixe Las Ventas, Madrid Madrid Comunidade de Madrid
Morreu 19 xuño de 2007, Madrid
Ocupación (s) cantante, actor
Xénero Copla, Pop
Instrumento(s) voz


José Luis Cantero, coñecido profesionalmente como El Fary, nado en Madrid o 20 de agosto de 1937 e falecido o 19 de xuño de 2007, foi un cantante español.

Traxectoria[editar | editar a fonte]

José Luis Cantero naceu nunha familia humilde, chegada de Buenache de Alarcón (Cuenca), no barrio de Las Ventas en Madrid, preto da praza de Touros. De rapaz adoitaba faltar á escola, preferindo pasar o tempo imitando o seu ídolo, o cantante de copla Rafael Farina. Foi de Farina de quen El Fary tomou o seu nome. Antes foi coñecido no seu barrio como «El Farina de Ventas» pola súa afección a imitar ó seu cantante favorito e a outras estrelas da copla española.

Antes de ter éxito, El Fary traballou como xardineiro e taxista para conseguir os cartos que lle permitisen gravar as súas primeiras cancións. Unha vez gravados e editados os discos, el mesmo os vendía no Rastro de Madrid. Nesa época tamén participaba en competicións de cantantes na radio e actuaba en festas locais. Foi cumpridos os 30 cando El Fary empezou a gañar cartos como cantante cando foi chamado a Pozoblanco, Córdoba (España) para substituír a outro cantante (Pepe Blanco). Máis tarde, o lendario Antonio Molina contratouno para unha xira de dous meses.

Nos anos 1970 a copla caeu en desgraza co público español, pero iso non desanimou a El Fary e de cara a finais da década estaba gravando cancións máis pop, que subiron as listas de éxitos españolas.

Nos anos 1990 El Fary acadou o éxito no mundo da televisión, cando protagonizou a serie Menudo es mi padre no papel do taxista. O papel fíxose a medida para el, e incluso o título da serie era un xogo de palabras ca estatura do cantante.

Durante esta época, estivo suxeito a especulacións e rumores sobre a drogadicción do seu fillo e o maltrato á súa muller. Malia que a publicidade sensacionalista da súa vida privada puido resultar desagradable, mantívoo na conciencia do público durante bastante tempo.

De cara a finais da década, a súa carreira viuse de novo impulsada cando o director de cine Santiago Segura estreou a súa comedia Torrente, el brazo tonto de la ley. O protagonista, José Luis Torrente (papel realizado polo mesmo Santiago Segura), é un policía maleducado, racista, machista e corrupto que é fan de El Fary. A película contiña unha canción de El Fary especialmente gravada para a película, chamada Apatrullando la ciudad. Tanto como canción como a película foron un éxito, que levou a gravar dúas secuelas, Torrente 2: Misión en Marbella e no 2005 El Fary realizou unha pequena intervención en Torrente 3: El protector, a terceira entrega da serie, interpretándose a si mesmo. Ademais, realizouse unha peza de merchandising única: o Carrofary, unha pequena figura de goma do cantante diseñada para ser colgada do espello retrovisor do coche.

Apadriñou a varios artistas novos coma Melody e o seu propio fillo, Javi Cantero, ambos cantantes de pop.

En xaneiro de 2007, tralo nadal, diagnosticóuselle un cancro de pulmón dificilmente curable, polo que lle daban un ano e medio de vida. A familia quixo mantelo na intimidade, pero en abril de 2007, ó facerlle unha entrevista (a derradeira que ofreceu), fixo público que padecía dita enfermidade. Faleceu o 19 de xuño de 2007, con 69 anos, nun hospital de Madrid.

Discografía[editar | editar a fonte]

  1. Ritmo caló (1975, Belter)
  2. Soy gitanito (1977, Movieplay)
  3. Camino de la gloria (1978, Movieplay)
  4. Yo me estoy enamorando (1979, Movieplay)
  5. Canela y limón (1980, Movieplay)
  6. Vengo a ti (1981, Movieplay)
  7. Amante de la noche (1982, Ariola)
  8. Amor secreto (1983, Ariola)
  9. Como un gigante (1984, Ariola)
  10. Rompecorazones (1985, Ariola)
  11. Un paso más (1986, Ariola)
  12. Grandes éxitos (1986, Ariola)
  13. Va por ellos (1987, Ariola)
  14. A mi son (1988, Ariola)
  15. Enamorando (1989, Zafiro)
  16. Dedícame una hora (1990, Zafiro)
  17. Tu piel (1991, Zafiro)
  18. Tomillo, romero y jara (1992, Zafiro)
  19. Mujer de seda (1993, Horus)
  20. Tumbalero (1995, Horus)
  21. Menudo es el Fary (1996, BMG-Ariola)
  22. Calle Calvario (1999, Zafiro)
  23. Sin trampa ni cartón (2000, Carabirubi)
  24. Ese Fary!! (2003, Muxxic)
  25. Los grandes éxitos de El Fary - Media Verónica (2007)

Véxase tamén[editar | editar a fonte]

Ligazóns externas[editar | editar a fonte]