Conversa:Lista dos mamíferos de Galicia

Refs

O cabezallo do artigo di: "Unha das intencións da presente lista é a de engadir, cando existan, os correspondentes nomes comúns das especies da nosa fauna de mamíferos, procurando sempre citar a referencia oportuna." Pero o feito é que non ten ningunha referencia sobre iso, á parte da Guía da editrorial Baía, que non sempre coincide co DRAG (aínda que o DRAG non sempre ten ben traballado o da nomenclatura e identificación precisa de especies). Algúns dos nomes comúns da lista parécenme discutibles, teñen sinonimias para varias especies, etc.--Miguelferig (conversa) 30 de xaneiro de 2015 ás 18:38 (UTC)

Cifio / Zifio

Sorprende, neste artigo-lista, a vacilación Cifio / Zifio:

• Cifio caldeirón (na Galipedia Zifio caldeirón)
• Cifio de Sowerby
• Cifio de Blainville
• Cifio de Gervais
• Cifio de True
• Zifio de Cuvier

Tendo en conta que o Dicionario da Real Academia Galega admite o termo zifíidos como o nome da familia na que se agrupan estes cetáceos, parace que o normal sería escoller zifio, aínda que a RAG non admita, de momento, esta voz (só admite zifíido, en sigular, para un «individuo desta familia» [a dos zifíidos] que, en boa lóxica, habería que considerar como sinónimo de zifio). --Xoio^{Éche o que hai} 14 de setembro de 2015 ás 12:04 (UTC)

Por outra parte, o dicionario da Academia no rexistra cifio.

Rata de auga/Rato de auga

As dúas especies do xénero Arvicola, unha chámase rata de auga e outra rato de auga. Parece que hai un erro. Non serán as dúas rata? Fixen a páxina rata de auga común pensando que sería unha rata de auga coma as outras dese xénero, pero despois decateime que aquí, na Lista dos mamíferos, a esta especie chámanlle rato. Alguén sabe de certo como debe ser o nome?--Miguelferig (conversa) 12 de xullo de 2018 ás 16:22 (UTC)

Non teño o libro no que se basea a lista, pero atopei esta ligazón do Grupo de Estudo dos Animais Salvaxes que chama ratas ós dous bichos, a ver se Lameiro sabe algo máis do tema... Saúdos, --Elisardojm (conversa) 12 de xullo de 2018 ás 22:34 (UTC)

Entón polo momento deixo a páxina que fixen co nome rata e espero. De todos modos estes animais sufriron moitos cambios taxonómicos recentemente. Grazas.--Miguelferig (conversa) 12 de xullo de 2018 ás 23:05 (UTC)

Ligazóns externas modificadas (setembro 2018)

Ola compañeiros editores,

Acabo de modificar 1 ligazóns externas en Lista dos mamíferos de Galicia. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

• Engadiuse o arquivo https://archive.today/20130629081007/http://www.galiciae.com/nova/18011.html?lang=gl á ligazón http://www.galiciae.com/nova/18011.html?lang=gl

Por favor revisade o FAQ para máis información sobre cómo correxir erros do bot.

Saúdos.—InternetArchiveBot (Informar de erros) 5 de setembro de 2018 ás 16:19 (UTC)